棍波是否比自動波慳油

大部份國家有關機關對新車所做嘅測試, 以同一型號同一引擎, 兩部車分別為普通自動波(即用扭力轉換器)同棍波比較, 棍波十居其九都會比自動波慳油. 原因如下:

車重: 自動波傳動系統嘅零件比棍波傳動系統嘅零件多而且重. 車重影響起步及耗油量
功率效能: 因設計關系, 自動波傳動系統經引擎發出力量再傳到輪圈到輪胎, 中間引致嘅動力流失比傳動較直接嘅棍波車為高. 一般來說, 一副引擎如果有100匹馬力輸出的話, 落到路面一定唔會足 100匹. 棍波一般會做到80%, 但係自動波車就得75%左右. 所以如果一架自動波車要做到同同款棍波車一樣功率的話, 就要增加工作量 ( = 用多D油)
駕駛者操控: 駕駛人士如果要用盡心思去慳油 (例如如果大直路冇車就起步大腳油, 到達適當速度時就輕油巡航; 或城市行走時盡早轉高波等), 棍波嘅操控當然比自動波得心應手.
通常棍波車比自動波車可以慳 4%左油.

棍波是否比自動波慳油？
控制得宜，無分別．