學琴學極都學吾好......>,

學琴學得好慢，學極都學吾好，有可能有好多原因，不過睇你既情況，我覺得起碼有幾點可以提你——



1、你話系吾系學習出左問題，練得太少——我要求學生每日都要練琴，最低限度唔可以超過2日唔練琴。相比之下，甘你覺得你一個星期練幾多日，練琴專唔專心呢？我接觸過好多音樂老師同學生，教咩樂器學咩樂器既都有，我發現左一點就係：唔練琴既學生對於一個唔好既老師黎講或許係福音，但對於一個好既老師黎講就簡直頭痛。

2、你話一個星期上30分鐘堂會唔會太少——如果你既接受能力一般，練琴又少，30分鐘的確太少。除非你經常練琴，吸收又快，否則30分鐘可唔可以將一首歌彈嗮5次，或將三樣野彈嗮1次都唔知，更何況如果上堂只不過如此去彈歌比老師聼，聼完就走，甘你不如係屋企自己彈比自己聼。

3、個老師教得好吾好——老師好與唔好，當局者先清楚，冇人會比學琴者更加清楚。當初學者具備識譜能力之後，年紀唔算太細既學生（小學或以上）都可以根據上堂前後既情況判斷老師既教學水平，譬如你係技巧方面有冇突破，對所彈音樂既理解有冇加深，呢d都會在潛移默化中影響你日後整體演奏水平既進步。儘管學生資質唔同，但有一點肯定既就係如你上完堂之後同上堂之前自己都覺得無分別無新意、無野需要練，只要彈熟d音就ok，個位老師肯定唔得——一段好既音樂點會只係d音甘簡單呢？上條已經提過，如果你上堂只係去彈歌比老師聼，聼完就走，甘你不如係屋企自己彈。通常同老師一樣，每個學生資質都有分別，而有些人哋話好既老師唔一定會一視同仁有心機教資質一般既學生，所以部分家長or學生話係柏斯、通利等大間琴行學一定唔會差得去邊，呢個觀點係非常之錯誤既。

4、你話見d同學個個都幾叻,好羨慕——你同學學左幾耐？你學左幾耐？你一次學30分鐘，人哋一星期學幾分鐘？你哋資質一樣嗎？練琴時間一樣嗎？任何一條都足以影響個結果。你學琴既目的係為左自己而唔係為左同人比較，就算你叻得過嗮你d同學，叻得過嗮個d比賽冠亞季軍嗎？叻得過嗮個d音樂家嗎？如若你學琴目的係為左比較，動機唔好，太過急於求成，只會事倍功半。學琴只有方法，沒有祕缺。只要你勤力練琴，總有d野會係你識而佢哋唔一定識，就算佢學到好高級，都有機會唔識d野架。你有幾多能力，除左老師，你自己最清楚。勤能補拙，我既學生之中有一個好明顯資質差過人，但佢好勤力，所以佢既進度幾乎同個d資質好既學生不相上下，我都好滿意佢每一堂既表現。

5、幾時升到4/5級？學琴升級既問題——由於老師唔同，各個學生資質唔同，平日練琴時間及認真程度都唔同，所以升級快慢同呢d都會成正比。
除此之外，學琴動機都會影響到升級快慢，就係學生為左考琴試還是其他而學琴。
如果天資好，手指條件好，又有興趣，行專業路線既學生，可能日日練幾個鐘琴。最快既三四年就可以彈到七、八級。當然呢種學生真係唔會太多咯。
通常資質和條件一般但係比較聽話既學生，遇啱好既老師，基本上也可以在六、七年左右考到八級，但因學生的資質和勤力程度，彈到八級歌（考過左八級試）而未及八級水平既人都唔少。有些人係為左升學需要而趕住考試，有些人係為左搵兼職，動機不良，雖然在主攻考琴試既過程中都會學到唔少野，但因爲對各方面彈奏技巧及音樂風格認識唔深，除左三首考試歌之外，其他未曾彈過既歌都彈唔好。
所以呢，升級既問題係由家長、老師和學生共同決定架。如果遇啱好老師，又無特別需要，就唔好同同齡人比較（個個開始學琴既年紀都唔同，吸收情況、練琴時間都唔同），最好聼老師安排，甘樣進步最快，對學生亦最好。

6、點樣學先學得好? ——學琴無捷徑，只有方法。但方法係有針對性既，唔係死板、一成不變既，唔係個個、首首都啱用同一個方法，所以你可以做既就係聼老師既話，專心勤力練琴。

2009-06-13 06:22:41 補充：
如果你唔識判斷，仲有一個方法——你可以錄低自己2、3堂前同之後對同一首歌既練習，比較下有冇好大分別，音樂性會唔會強左好多，就可以判斷你既老師教得好唔好。呢個辦法係好笨既方法，但卻是最直觀既方法。當然個前提必須係，在此期間你有固定時間專心練琴。

希望幫到你ar.

專業教授古典鋼琴及流行鋼琴 1-8級

~主要教授不同時期的古典音樂
~樂理,拍子,視,聽唱的訓練
~流行歌的伴奏,CHORD 的運用
~一些簡單的SOLO 技巧
~基本樂理 ~音樂概念
~一般指法 ~五線譜閱讀
~簡譜閱讀 ~音樂欣賞
~作曲 / 編曲 ~高級聽力練習 執歌技巧 (五線譜)

對音樂課程有興趣者
請致電查詢
MSN: [email protected]
Tel : 98120445 Moon Sir
E-mail : [email protected]

上課地點:本人開設的音樂中心 ( 牛頭角 )

如果你要考4/5級，你必定要練琴至少1hour。老師便容易教你，你也要預習曲目。你有興趣，必定行的。如果你練時有點不順，便在那裡重複練，直至通順。我用這方法，6.5年便到8級了！8級oral很難，有心理準備！Good luck!

最有可能原因: 練得少，練習方法出現問題。

其他可能原因:老師拖住教，你同學特別勤力。

建議學45分鐘，另外詢問老師意見。

你學琴進度慢可能同老師既教法都有關 ga, 如果你都覺得老師教得吾好, 可能要轉個個老師試下睇有無改善 la.

HI
你好 ^ ^
一星期只學30mins真係很少，而且學技巧掌握上都會很慢。
本身我有跟開個私人piano sir學左好多年啦，而且每星期都學1hr，他本身有廿八年教琴經驗，很多中途停左無學琴既都找他學，重有已經考到好高級la。
所以跟一個好老師學都係好重要ga !!!
呢個係老師個blog : http://www.xanga.com/davidyao_piano
阿sir很nice架，你可以@@他 [email protected]


or mail me都可以[email protected]
my mob : 9480 7349


welcome for想學好琴既你們 ^ ^
praise恩

我好少聽日學琴一星期伴個鐘...同埋我的見意系,如果你唔系貝多芬同莫札特,就算系佢地想要success都系要經過好多的練習,其實你對音樂有無興趣,我覺得一個人如果對音樂有興趣,系好累的時候系會用音樂來休息,,不過你話系tom lee學的話我會覺得d老師唔會差得去邊...最後,如果你想好似同學咁樣,最少每日練陣喇,唔洗咁耐的,15分鐘其實都ok ga喇,張教過的練1,2次,一開始學個時d歌唔好聽,又悶會有d悶,但系打好基本功,就唔會太難去到4/5級,如果你真系有練,老師見你咁落力,都會skip左一d易的教d難ge比你喇,4/5級唔洗3年就ok喇(^0^)