我覺得自己好失敗

我相信你係一位年輕男孩,而且拍拖經驗不多,加上對自己無信心,從你以上提及的問題,的確會令自己同對方都手足無措..

首先,其實你的女友願意接受你,同你拍拖,你已經不算差,要學做好男友,先要放低自卑!有自信心而謙厚的男士,最能取得女士信賴及依靠。

其次,就是自我增值,多看女性喜愛雜誌,少打機,改善自閉行為,多些花心機時間同佢相處,例如:睇戲,行街....細心留意她看法,多聽她內心說話,盡量避免告訴她你正煩惱自己不俊,不足,這些說話女生聽得多都會覺煩厭....

另外,好的男女朋友是互相影響出來的,試想想,大家從不同的世界裏走出來相愛,自然習慣,脾性也不同,如何將雙方距離拉近,就得靠一些老生常談 :
『體諒 』(溶入對方內心世界,設身處地諒解)
『聆聽』(靜下心神聽取對方內心真正說話,因為女性由故至今都喜歡口是心非)
『協助』(這是男生最善長一環,因為男士要解決壓力、困難,多數會尋求不同意見,朋友會為你解決一些難題,但女生則會找自己最信任的人聽她吐一輪苦水,接著聽到合她心意的解決方法,她就放下她的煩惱了!!)
最重要一環 :『信任』
同睇醫生一樣 : 『望』、『聞』、『問』、『切』
好在她還未發脾氣,其實呢d係遲早的事。人有惰性,你做少咗dd嘢,或者忘記一些好重要日子,可能有排氹!!不過,女仔真係好容易氹@.@買少少禮物仔,或者扮下小朋友,佢好快無事架啦!

最後,我想忠告你,一個令人欣賞的男人,要學懂平衡心理,第一,依家社會女權比男權微大,唔似打仗時期,高至衛生局有女仕任高職,低至家傭清潔係阿姐,有男士跟我訴苦無工做,你要俾心機增值為將來結婚舖路,第二,雖然話男女平等,但依家女士都係希望老公養自己,所以男士都幾苦....有壓力時要搵人傾,唔好收埋,重有要懂得感恩,父母養大你唔係必然,幾多外國小朋友餓死,日日有新聞。唔好只係求愛情失去其他嘢,總括來說,做好自己先照顧人啦,得罪講句真係會害到人架!