應如何煎魚?

1.) 應如何煎魚?
開大火將鑊燒紅，見到出少少煙，加1湯匙油，薑(將嚿薑拍扁大約手指尾2/3長度)，用鑊摌按著嚿薑搽勻個鑊，然後取起嚿薑，調較少火放入條魚，煎大約半分鐘，慢慢推推個鑊(好似玩海盜船咁)前後咁推，你見到條魚有少少郁，再開回中火，慢慢煎，煎大約分半鐘，又再推推個鑊，一定唔可以再鑊摌摌條魚，因為好易散，當條魚推得好順時，你就將條魚反轉再煎，又係同之前咁煎法咁就ok啦，但第一面未咁金黃色，當另一面前好，你再開小火再煎至兩面金黃色，咁就完成。
(煎魚一定要有耐性，唔可以心急，如果將條魚反來反去，咁條魚就會煎到爛哂，你跟以上方法去做，咁條魚表面脆脆)
2.) 是否大部份的魚, 都是可以煎的？
基本上任何魚都可以煎，但新鮮魚用來煎，就有些浪費，因為鮮魚蒸出來有鮮味，通常冰鮮海魚先用來煎，淡水魚就用來蒸多，有一種魚咁耐都無聽過有人煎來吃，答案係烏頭

1.) 應如何煎魚?

先用鹽醃魚，作用係另魚既部份水份排出，魚身結實d，落鑊前，係魚身上一層薄生粉，鑊要夠紅，油要好熱，落鑊後，先煎一面，硬身後，反轉煎另一面，至金黄，食得。


2.) 是否大部份的魚, 都是可以煎的？

係

2009-06-09 13:34:18 補充：
sorry...........如果條魚 (或肉) 細火落鑊，魚會標水同魚皮會唔可以用最短時間變硬，結果魚皮會爛。所以就算唔用大火，都起碼用中火。如果條魚大，可先係魚身界幾刀，或魚皮定形後，至轉細火煎熟。我唔咁話我一定 arm，但我三十年黎都係咁煎。