請steventtw20回答。

樓主點名要我回應，本人自然要講幾句。樓主想做軍官﹖想做邊個國家既軍官﹖如果你係指中國解放軍既軍官，咁樓主首先就要轉籍做中國公民先得。因為港澳居民係唔可以參軍既。至於參軍資格都離唔開體質考核。不過，解放軍好注重參加者既政治背景，即係你參軍前祖宗三十六代都要被人check清楚，睇下你“成份”好唔好，即係家庭背景有無不良犯罪紀錄等資料，如果ok，又體能合格，應該可以加入部隊。
軍官同普通士兵係分開招募既。軍官對學歷要求較高，一般都要申請人至少高中畢業，取錄後入官校受訓四年，出黎通常授少尉軍銜，而學歷就係大學畢業。近年解放軍歡迎高學歷人士加入部隊，據聞如果你有博士學歷，一入部隊就至少會被授與少校軍銜。要留意既係空軍飛行員全部都係軍官，所以如果想做戰機機師就至少要有高中學歷先至有得考。
士兵既學歷要求低好多，其實好多時講緊係無要求，只要你心智正常，四肢發達就得。當然，如果你學歷低，將來升做軍官既機會就好低。不過唔做軍官又唔一定唔好。若你讀多啲書去做技術士官，如果你做得好，好到無左你唔得，咁你即使係士官，你既人工及待遇可能會同高級軍官一樣。
不過話說回頭，我唔認為香港人去當兵好，因為解放軍既人工待遇麻麻，連大陸人自己都唔係咁願意做，我勸樓主做番個軍事愛好者好啲。如果你係想參加外軍，首先你就要讀多啲書，至少完成左中學先。參加外軍當然首先要成為嗰個國家既公民先，但法國外籍兵團(Lgion trangre，French Foreign Legion)例如。外籍兵團係一支全由外國人組成既法國陸軍部隊，基本上咩人都加入得，外籍兵團既任務當然係幫法國打仗。外籍兵團每年都吸引成千上萬既人報考，不過其實入面既待遇一樣麻麻，而且好多人都話好悶，唔係幾好過。另外，法國人始終唔信外國人，外籍兵團入面既軍官都係法國人，外國人只可以做士兵。而且外籍兵團只會係法國募兵，所以如果樓主想參加就要自己飛去法國並解決所有食宿問題，仲要唔一定成功(事實上係成功投考既機會極低，據聞取錄率得10%)，值唔值得就留番比樓主自己唸。

每名解放軍都屬中國共產黨黨員,因此被check"成份"是一定的

i am not Steven, but i like to give you a little advices.
school grade is important for officer but not much to do for soldier.
physical is important to both.
to be a soldier, you just go join the malitery forice.
want to be a officer, you need to have very clean and good back ground then you either apply the malitery school yourself or recommanded by your higher office while you are as a soldier.
malitery school is very tough, you need pass the classes with high grade, and top in physical tranning.

好問題呀!

做軍官唔使做軍人嫁.....