BB食奶,有時食多,有時食少,有問題嗎?

照睇妳個BB飲水唔夠,妳在奶同奶之間要比水佢飲,的水落小小葡萄糖,如果D水冇味佢唔飲既,一定要比多D水佢飲,妳D奶唔好開得太濃要比多小小水,因為太濃佢飲得好吃力的.妳不防試下這個方法吧.

不論大人或者BB，胃口都唔會餐餐、日日都一樣，一時多一時少真係一D都唔出奇。況且呢排天氣咁悶熱，BB胃口唔好都正常。佢飲到幾多就幾多，BB自己識衡量，呢餐飲得多左，下一餐飲番小D。而且BB肚餓既話，真係唔會同你客氣，一定喊到你比夠奶佢飲為止
但係就切記，開奶一定要跟番足份量，尤其佢而家咁細個，奶係佢主要營養來源。唔跟足份量黎開奶，有機會令BB吸收唔夠應吸收既營養。若果你覺得BB飲奶吃力既話，你可以將奶咀既窿開大D，方便BB吸啜
另外飲水最好每餐奶之間都要飲，飲得多都唔一定係好既，飲得水多，自然就肚漲唔多飲奶。飲得水小又覺得唔夠，不過其實都真係唔使飲太多水既。而且BB飲開奶，D水冇味既，當然唔鐘意飲啦，咁咪一飲就喊囉，都係屬於正常既
如果你想佢飲水，你可以用餵藥果D針筒係佢口角吱D水入佢口仔到，咁佢會易D飲。若果呢個方法可行既話，就盡量唔好用葡萄糖粉黎開水比BB飲，因為始終水先係最健康既飲品