大埔火車站去踩單車去大尾篤bbq

見你條問題冇人回答,我就盡分微力,幫下你吧

其實我通常去踩單車,都唔會帶私家車去,第一,坐東鐵要比廿蚊

仲要拆碌,如果冇帶工具根本冇可能入到閘,除非你係摺吧

地鐵公司可能會給予酌情(等等,離左題添,不過比其他人參考)

關鍵字:帶自己車去踩單車

去租車架話,當然係沙田租好,有平有質素好的,當然平

要有代價,例如爆吠咁,租車費:$20,預到呢D你就要注意注意

其他租$40的我反而踩得好順,大圍就有3間,不過去大尾篤就

偏遠,係火炭租就係廿蚊,不過我有FD踩踩下爆左吠,當然,

佢唔係玩玩下的青少年,如果係果類人,爆吠係抵死

如果你平時搭車有留意附近的店鋪,去大尾篤轉入寶鄉街後

我就曾見過廿蚊租車,你沿住寶鄉街行就搵到,我就建議你

出返廣福道行,易認路D,於火車站出,小巴站出口

>>呢個選擇為價錢平選擇,其他租車鋪我不太清楚,相信呢間

係唔可以係大尾篤交車

記得大圍果到有間叫做奧運 同埋 亞運 單車,佢地話可以係大埔

及大尾篤交車,但請注意,如果要係他區交車,盛惠30元正^^

以我既知識,三人/四人車只能在大尾篤或長州見到,在正常

單車徑係唔準呢類車行駛,大尾篤既大霸經常都會見到呢類車

啊,提提你,大尾篤都有幾間單車鋪可供租車的,同埋你可以踩

去新娘潭,注意,在公路初段係唔可以踩單車,至管理站(我記得

行山既時候見到的)

回答下一條問題,長州碼頭點樣踩車去BBQ,我記得碼頭外面係

禁止踩單車,同埋仲有個問題,你係長州碼頭租車定自己帶車?

我記得係北帝廟附近有單車租,路線我就唔提供喇,踩單車既樂

趣係在於搵路,你只需要跟住東堤踩便行了

最後條問題我唔清楚,但我知道附近有好多渡假屋,猶其係

東灣。