小提琴考試

講下第一個問題先，ABRSM琴試Grade 5係唔需要考樂理架。你既老師點解唔話你知甘奇怪，你好似好擔心甘。
學琴升級——
由於各個人資質唔同，平日練琴時間及認真程度都唔同，所以升級快慢同呢d都會成正比。
除此之外，學琴既動機都會影響到升級快慢，就係學生為左考琴試還是其他而學琴。
如果天資好，手指條件好，又有興趣，行專業路線既學生，可能日日練幾個鐘琴。最快既三四年就可以彈到七、八級。當然呢種學生真係唔會太多咯。
通常資質和條件一般但係比較聽話既學生，遇啱好既老師，基本上也可以在六、七年左右考到八級，但因學生的資質和勤力程度，彈到八級歌（考過左八級試）而未及八級水平既人都唔少。有些人係為左升學需要而趕住考試，有些人係為左搵兼職，目的性大，急於求成，雖然在專攻考琴試既過程中都學到唔少野，但因爲對各方面彈奏技巧及音樂風格認識唔深，除左三首考試歌之外，其他未曾彈過既歌都彈唔好。
所以呢，升級既問題係由家長、老師和學生共同決定架。如果遇啱好老師，又無特別需要，就唔好同同齡人比較（個個開始學琴既年紀都唔同，吸收情況、練琴時間都唔同），最好聼老師安排，甘樣進步最快，對學生亦最好。
甘樣你明唔明 ar...
仲有，升級唔需要逐級考試，亦都無需要逐年考，尤其係五級以下。到五、六級以上就要睇學低級既底好唔好，因爲頭先都講過考到個級試唔代表個個都有個級水平，學過幾年而未考過二、三級既學生都可能已經唔止個級水平。五、六級以上如果基礎好既就比較容易跳級，基礎唔扎實既就要慢慢上，包括樂理知識都唔可以一知半解，否則考試會有風險或者分數會唔平均。
一級至三級學習既内容跳度相對比較細，四級至五級都唔算太大。不過上面已經提過，越到高級，越要睇個人的基礎好壞決定學習的成果同米辛苦程度，邊種樂器都係一樣。所以我認爲，唔可以因爲簡單而忽視打底既低級階段，反而要趁低級好好鞏固及提高彈奏技巧，到五級以上先比較容易彈奏有挑戰性既歌。
考琴試既時機——
當學生學左一排，能力強既、判斷力強既學生可以根據自己既能力嘗試彈下相近級數既考試歌，之後參考老師既意見報考啱自己既級數。當然呢種做法只適合中高級程度既學生。
初學既學生第一次考試，最好聼老師安排，因爲始終係第一次無經驗，考試既結果足以影響將來學習既興趣及動力。一年有兩次報考機會，如果未達程度就無畏浪費時閒及金錢學考試歌同埋報考。你話係米？
當然，如果有學生或者家長爲張左證書而提出考琴試既要求，就另當別論，但係如果考試級數同學生水平相距太大，考試結果可能就唔會太理想lar.
考試程序——
如果學生智商ok，一個好既老師絕對唔會逐年逐級同學生報考試。年紀細、或者心理質素差既學生可能第一次考Grade1 or Grade2，拿多次經驗，Grade 5之前可能考2-3次（譬如考Grade1 & Grade3—>Grade5，或者Grade 2 & Grade 4—>Grade 5）。年紀大既、心理質素好既、吸收得快既初學者就唔一定了，可能考少一次。
一般建議，學Grade 4琴之後，能力好既學生就可以學樂理；但最遲考左Grade 5琴試後一定要學Grade 5樂理，因爲考Grade 6或以上琴試，必須要有Grade 5樂理合格（即66分/滿分100分）或以上。但係就唔需要跟住逐級考埋樂理（只需要Grade 5樂理合格就ok）。
一般程序：考Grade 5或以下琴試——>考Grade 5樂理——>考Grade 5以上琴試...
希望幫到你

2009-06-06 04:02:08 補充：
樂理考試：66分合格，滿分100分。
琴試：100分合格，滿分150分。


琴試考試月份：第一季 4月至5月
第二季 8月至11月
樂理考試月份：2月、6月、10月