新手學車幾個問題

你個xx駕駛學院真係好難答，香港九成都係叫自已做xx駕駛學院，唔知你講緊邊間，睇落去估你係講x港駕駛學院。
學車當然唔一定要大牌子學院，你可以去其它細D既或者自已師父，大牌子聽講易pass，package好，但貴，不過學生出黎既質素就真係…細既學院有好有唔好，我就試過一間師父不知所謂仲教錯我野，私人師父都有好有唔好，教我果個都唔錯，不過唔想幫佢賣廣告，你可以去拍賣網、車網下。運輸處唔係幫人學車既！

學車程序基本上無唔同，都係你報名，比錢同個人資料，其它野學院、私人師父會同你上運輸處攪掂，唔駛你粗心，跟住考筆試(學院、師父會比試題答案你溫習)，pass左先可以約時間學車，有唔同既就係學院通常代師父收學費，唔駛自已比師父，私人師父就直接比，至於點收法個個唔同。

學幾耐視乎你悟性有幾高，不過法例要求至小學夠一定鐘數，唔記得係咪25個，夠學習鐘數就可以考路試，不過除非你好利害，一般好小25個就可以考，通常加多10個8個鐘先叫做可以，我見有人學足50幾個鐘都未夠料考，由報名到到牌要幾耐就真係好難講，視乎係咪咩都一take pass，如果唔係要補考又要加鐘再排期，學費大致上差距唔大，依家收幾多唔係咁清楚，不過學院同私人師父價錢應該無咩分別，時間就就自已約師父，通常每次上兩節，每節45分鐘，日、夜都得，你想快可以日日學！但係我話你知都幾辛苦！