我自己就讀緊書，grant學費，loan生活費
但近排發現d錢唔夠駛，因為開支太大，綜援已經冇我份架啦，我仲要用loan黎支持屋企人
加上自己又要成日去醫院覆診，雖然係醫院申請左醫療費用減免，但...而家個問題係...去醫院果d車錢囉，d醫院又要係山上面，車錢都好甘下囉，有冇邊度可以申請下比d津貼黎呀？
唔好話係要定期覆診，仲有果d突發事件去醫院呢？都要搭車架嘛...
至於part time~~~之前有架，但之後健康都係唔係咁得，又無啦啦入院，所以屋企人唔想我返
另外，前排我搵過社署幫手，但佢地既答複係...因為你讀緊大專，所以我地係幫唔到你，除非你畢左業或退左學冇野做拎埋證明黎，我地就可以加埋你個名落去
(咁係咪即係要我退學，做大懶蟲呢？我唔想囉，我有手有腳，只想有機構/人幫補下呢一兩年既車錢同生活)
跟住個社工又話你可以借生活費架嘛...
個問題係...我有借囉，但真係唔夠用喎，咁我仲可以去邊度借呢？同埋，借完係要還架，我之後有冇能力還到都係一個問題
最攪笑係...個社工嗌我申請傷殘津貼。
雖然我有幾科專科係跟緊，都跟左五年以上tim，但我唔係傷殘囉，所以冇可能會拎到傷殘津貼
而家我真係唔知可以點，因為我知政府(社署)就一定幫唔到我，因為我已經問過
我想知，仲有d咩NGO有d津貼而我又付合資格申請架？
更新1:
edmond_lst, 我想講，係香港讀書，冇錢就緊係要問政府借架啦，十個學生有九個都係咁，除非屋企經濟能力許可 咬實牙關，日做 10 幾個鐘~~~呢d情況我都試過，係讀返書之後，冇時間做，上年我仲係一放學就去返工架，日日做到十點先收工，難道我真係咁想夠政府養嗎？ 如果我真係想咁既話，我可以退學唔讀拎埋綜援架，但我唔想囉 得償所願？？我唔覺得我拎左傷殘津貼會得償所願喎...難道我有傷殘津貼就唔駛解決家人及自己既經濟問題嗎？