倉鼠為什麼會叫呢?

唔係咁同意樓上網友bonnie4002既睇法,希望網友唔好介意,只想大家可以了解多D鼠鼠,唔好覺得鼠鼠係咁有問題:其實絕對可以同鼠鼠建立到良好既關係,當然首要尊重鼠鼠獨居既天性唔好將鼠當人咁諗,試下換個角度去了解鼠鼠
鼠鼠唔係好難養得多而係天性係獨居,一籠兩鼠or多鼠就真係好難可以同鼠鼠熟,咁就好似困獸鬥咁,日日夜夜同敵人一齊生活,點會對咩都有戒心?點會唔驚人?
就算一籠一鼠,鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以同鼠鼠相處一定要花多d時間同耐性,太急會做成反效果,同鼠鼠熟既方法可以睇返A1項
而平日只要肯花時間同鼠鼠清潔環境,都唔會好多菌,唔理唔洗當然咩野都會好多菌啦,倉鼠以前係貴族既動物,冇咩疾病會傳染人,雖然會將便便同食物一齊,仲會訓住,但其實唔亂俾野俾鼠鼠食,正常既鼠便並唔係咁污糟,因為鼠鼠消化系統唔係咁好,所以好多野食左落肚都未消化得到就排返出唻,加上便便入面仍然有好多維生B,K及礦物質,部份鼠會食返自己既便便去吸收返

A.鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫

因為聽到有聲都唔係好事,所以檢查有冇以下幾點:
1)打交
有第隻鼠一齊住既話,可能係有打交,因為鼠鼠夜晚較活躍,所以打交你未必見到,但因打交鼠鼠都會感到好大壓力,所以就會亂咁叫,必須要分籠先處理得到,因為鼠鼠係獨居動物,唔適合多過一隻生活

2)環境,人等令佢感到壓力
留意個籠有冇咩地方會令鼠鼠易整親,例如籠既地板,樓梯,轉輪等會唔會唔安全而整到鼠鼠呢?如果呢d都係一間間,鼠鼠行到既地方唔係密封既話,係好易卡住鼠鼠既,就算鼠鼠走得甩既,都會令鼠鼠感到不安or痛苦;會唔會係用左粒狀墊材?呢樣都易整傷鼠鼠既腳
留意下屋企有冇其他動物,人或物品令鼠鼠不安
搬籠or籠既位置等問題都會令鼠鼠感到壓力
就算一籠一鼠,同第籠鼠太接近都會令鼠鼠不安,可以將鼠籠放遠d

3)疾病影響
留意鼠鼠有冇咩野同平日唔同,有冇外傷等,要仔細檢查及留意鼠鼠身體同埋排泄物有冇異常

4)新買鼠
新買返唻既鼠都會好緊張,未習慣環境同人,所以新買鼠返唻就要俾佢靜兩日,再試下以下方法去同鼠鼠熟:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

B.明白鼠鼠叫可能會令人嚇一嚇,但都切記點都好,抱鼠時千萬唔好放手,就算鼠鼠唔止叫,咬你,都一樣,萬一真係趺親可大可小,骨折可能會死亡

It may feel scare, because my hamsters 叫 when my try to use my hands to catch it. Do you put more then one hamster in the same cage? They may fight and one may 叫 if it is bit by the other hamsters.

驚.打架.

照顧倉鼠先要照顧自己.倉鼠糞便超細.乾後會飛到空氣中.易容吸入肺.所以清理.要帶口罩.會引發喘症.

倉鼠容易生倉,要勤做清潔.命短最長不過三年.所以你好快看到它老體力減弱.到時唔好傷心是自然的力量.

不易養太多.打架都打死.因為有傷口容易發炎.本身都多菌.因為佢地同糞尿食物一齊居沒有界離都算是烏糟的動物.用較密封的籠比較好.而倉鼠比較難溝通.易受驚.也會咬人.

本人也養過倉鼠.都無法建立感情.用作觀察動物行為最量不打擾它們代它可以平靜生活.生兒育女.生老病死.生命之起生命之結.

養貓養狗比較易建立感情.因為聰明動物.多少它會愛你.

animal can talk