想帶男朋友見屋企人唔知點好!!(20分)

~我岩岩19,男友22~
老實講 , 其實你哋人生年齡尚短 , 除住年紀嘅增長 , 見識同人生價值觀都會有所不同 , 所以此時此刻你所認為是對的事物 , 未必等同於未來 !

~同男友已經十個月la~可能有人覺得短~
其實十個月並唔算短 , 假如你哋係真真正正咁關心同認識對方,用個心去了解大家是否相配合的話 , 覺得只要keep住咁嘅態度相處到未來都一定會開心的話就已經好好的了 !

~但佢係第一個我可以維持超過三個月既人 , 亦係第一段正常既愛情~
若然係真的話 , 咁即係佢令到你有正面嘅改變囉 , 係好事嚟 !

~我男友外表並不是甘討好=3= , 佢唔高,同我差不多(我都唔高)~
其實問題只係你哋介唔介意將來如果生小孩子嘅時候 , 小朋友嘅外表會同你哋差唔多啫 , 如果你哋接受得到 , 而你哋又覺得個小朋友將來喺呢方面會覺得開心 , 咁咪得囉 , 不過你要知道呢個世界 ,凡事都會有無形嘅比較存在......

~同埋我覺得我未必再搵到甘好既人, 因為我識佢之前好癲,又貪玩, 試過做第三者,又試過一腳踏兩腳, 但佢完全冇介意,好包融我,好錫我~
做男人 , 最憎嘅就係女人會好似你咁 , 亂搞男女關係 (咁當然女嘅亦都憎呢d事啦) , 因為咁樣係好唔尊重自己同埋另一半嘅 , 既然你而家呢個男友接受到嘅 , 咁咪好囉 , 老實講 , 又或者係因為佢嘅外表問題 , 佢冇得揀....不過點都好 , 你要好好珍惜 !

~仲成日俾錢我駛(我靜靜地幫佢儲起D架 XD )
又俾晒D時間我(但佢份工好忙好辛苦)~
我諗而家呢個時代 , 呢種男人應該係買少見少架啦 , 不過你呢個年紀都竟然會為對方儲起d錢 , 你都算乖啦 。。。。

~我男友係第三個月就帶左我番佢屋企見佢屋企人, 我係第一個俾佢帶番屋企既人~
咁就證明佢係幾咁重視你啦 , 三個月就帶你返屋企見屋企人 。 如果只係玩玩吓嘅男人一定唔會比你見佢家人 , 玩完你就算....

~我媽媽知我有男友,我係第一次話佢知我拍拖
但佢一直對我拍拖有保留,佢成日叫我唔好甘快認定呢個男友,想嫁俾佢果D
佢覺得我可以再遲D先拍拖,覺得我可以搵到個對我再好D,條件更好的人~
哈 , 我得罪講句 , 其實你媽都唔知你以前對男女關係 , 係一個點嘅人 , 可能喺佢心目中你一向都係乖乖女嘅型象 , 所以佢認為你條件好 , 可以有較多嘅撰擇(女人嘅心態就係咁,所謂良禽擇木而棲嘛) , 有邊個女人唔想搵個又好又有錢又靚仔嘅男人嫁比佢吖 , 但係要實實在在咁記下我以下呢句話 , "因為喺你揀人嘅同時 , 男人亦會去揀一個女人是否樣靚身材正 , 最重要係識得溫柔同體貼 , 會聽個男人話嘅女人就係最好" , 所以凡事喺對人有所要求之前 , 最緊要係識得評算一下自己。
你媽前對呢方面嘅經驗係點, 我不便致評 , 只不過佢都係對於自己嘅過去經驗 ,以免你將來重覆犯下錯誤啫。但係記住 , 你嘅幸福係由你自己擇嘅 , 你媽亦都只係一個傍人 , 佢並唔了解整件事 , 所以我認為 , 假若你想知道你媽心中嘅想法係點 , 你不妨多d提問一下你媽以前嘅過去經驗同體會 , 又或者 , 你多d透露你過往嘅為人係點 , 或者係你心中嘅睇法又係點 , 講比佢知 , 咁樣可能對整個事情來講都會幫到你都唔定嘅....

2009-06-05 06:36:03 補充：
~有時佢會叫我帶男友去見下佢,但又即刻話唔好,話我地玩玩下
有次我話其實我男友唔靚仔架,佢即刻話甘唔好帶男友去見佢~
咁呢d咪係你哋典型女人嘅特性囉 , 一唔靚仔就唔好帶個男嘅見佢 , 即係代表喺你媽嘅價值觀來講 , "唔可以樣衰"係佢其中之一個條件 , 不過你要知道 , 靚仔同靚女都係有一個共通點 , 就係恃靚行兇 , 花心 , 左揀右揀 , 係大部份呢種人嘅特質 。

~之後我米成日淨係講男友D叻野,如升職加薪果D~
哈哈 , 睇嚟你都真係幾愛呢個男仔吓 , 你都算係識得做人之道吖。

2009-06-05 06:44:02 補充：
~其實我好想帶男友去見佢架,但怕佢見到之後唔中意,反對我地
但我好難解釋佢對我幾好,唔通連以前風流史都講咩?=.=~
嘻嘻 , 你知道就好啦 , 做女人千其唔好太過放縱自己呀 , 因為喺世俗人嘅眼光嚟講 , 女人太多伴侶並唔係風流 , 而係.... , 心照啦。

2009-06-05 06:44:17 補充：
~連我男友都好怕見我媽媽,因為自己外表不討好~
你男友喺自己呢方面表現自悲係正常嘅事 , 不過唔使擔心 , 一個男人嘅自信並唔係單靠外表嘅 , 搵到錢 , 有風度有內涵嘅男人 , 先至眾多成熟女性歡迎嘅男人 , 所以你比d鼓勵比你男友 , 話比佢知 , 唔使怕 , 比d信心 , 你一定會支持佢 , 而且將來努力d , 搵到錢 , 做好自己 , 咁就唔怕任何人嘅眼光係點架la。

2009-06-05 07:15:28 補充：
~我應該點做呀?
其實我都想嫁俾我男友架,我都想趁早D組織家庭
我應該再等下先定點?~

你呢條係呢篇文章最後嘅問題 , 好啦 , 我比一d個人嘅意見比你參考一下啦 , 會以 point form 形式表達 , 希望幫到你 。

1) 醜婦終需見家翁 。
2) 有仔趁嫩生係好事 , 不過要先考慮自己嘅經濟狀況 , 因為連自己
都未照顧好自己嘅人已經好難喺社會上生存 , 更何況要建立一個
家庭。

2009-06-05 07:15:48 補充：
3) 另一方面亦都好重要嘅就係 , 自己嘅思想是否夠成熟去管理一個
家庭帶來嘅一堆問題 , 例如: 家庭生活開支 , 生仔後嘅寵大開支,
如書簿費 , 學費 , 同埋會失去好多私人時間 , 因為你要照顧孩子
嘛 。
4)結婚後要懂得尊敬大家都係一個獨立個體 , 大家要互相尊重對方,
同埋大家係可以如常咁有自己嘅私人空間架 , 當然我唔係指可以
亂搞男女關係啦 , 而係大家都有權去繼續結識異性 ....但男人女人
都好 , 我相信都好難做到呢件事 , 哈哈....

2009-06-05 07:15:58 補充：
5) 你哋而家思想尚未成熟 , 應該再等多三四年時間去比大家一個觀
察期 , 因為你哋喺將來日子 , 隨住時間嘅流逝 , 你哋嘅見識會有
增進 , 之後人生觀同價值觀都會改變同成熟 , 你哋可能會發覺其
實大家嘅人生路上可能會有所分歧 , 若然過咗呢幾年 , 你哋嘅意
向亦然相對嘅話 , 咁你哋結婚之後都唔會有太多嘅問題 , 起碼唔
會好似而家d人咁 , 呢頭結婚 , 嗰頭離婚吖 , 係咪 ?(不過我仍會保
留呢個意見是否絕對正確)

2009-06-05 07:24:29 補充：
6) 唔好因一時嘅衝動 , 盲目前進 , 因為往後嘅結果 , 往往都係為人
所不願去接受嘅 , 最好多d問吓前人嘅例子睇法 , 當然 , 你唔好只
問d如何失敗嘅人嘅睇法 , 因為佢哋只會教你如何失敗同埋唔好
重新面對問題, 要多點問一些喺呢方面成功嘅人 , 佢哋係點經歷 ,
同點面對問題 , 參考多點意見 , 作出一點比較 , 咁將佢哋嘅意見
綜合起來再加上你自己嘅思考 , 就會係你自己嘅經驗同思想。

2009-06-05 07:25:06 補充：
解答完畢 , 希望幫到你 ~

我覺得點都好，你都要帶男朋友返去見下屋企人

雖然，你男朋友外貌5出眾，但系最緊要距對你好，

對你屋企人好。我相信你男朋友愛你既話，你地會

一齊面對你既屋企人，更用行動打動你屋企人！

其實，你爸爸媽媽對你咁多限制，都系驚你嫁得5好

嫁得5開心嘖.....話到尾最關心既都系你....

你地要對自己的愛情充滿信心！

打動雙方家長，我5相信依家仲有父母會阻止女兒

得到幸福！

最後，祝福你地幸福快樂

長長久久 ^ ^

我覺得點都好，你都要帶男朋友返去見下屋企人

雖然，你男朋友外貌5出眾，但系最緊要距對你好，

對你屋企人好。我相信你男朋友愛你既話，你地會

一齊面對你既屋企人，更用行動打動你屋企人！

其實，你爸爸媽媽對你咁多限制，都系驚你嫁得5好

嫁得5開心嘖.....話到尾最關心既都系你....

你地要對自己的愛情充滿信心！

打動雙方家長，我5相信依家仲有父母會阻止女兒

得到幸福！

最後，祝福你地幸福快樂^^

長長久久

Easy !!! 一於同佢返屋企見下媽媽啦!!冇嘢嘅!!一次生兩次熟 , 但實你媽媽好想見下佢㗎!! 放心啦!!!

呢方面..
我淨係答到你最後果樣.....
我覺得你地唔駛咁快組織家庭..
因為有研究指出，愈早結婚，離婚率愈高..
你都唔想第時生左仔女，先話性格不合離婚..
你咪又重蹈你媽媽條路....
咁啦...我局外人唔方便俾咁多意見GE..
不過，見一次都唔妨..終有一日都要見架....
最多見果時真係做好D...
外表不討好唔係罪...言行舉止一定要做好...
盡量唔好兩三句夾句粗口..好多老一輩唔鐘意架!!!!!!!!
你地之間又唔好係佢面前你餵我我又餵你....個人覺得唔多好

咁啦，係你想趁早D組織家庭之前，你諗下你地經濟係唔係真係許可先....
之前新聞都講過，依家好多人借錢結婚..
我心諗..不如唔好結!!!
如果你男友開始儲錢買樓，唔差左等埋佢真係俾左首期先啦!=]

人不風流往少年
過去的事就讓它過去吧, 既然你現在的心態已歸於平淡, 又找到一個可付託終身的人, 就努力去抓住他吧, 不要讓他溜走, 除非你以前的行為, 人所皆知, 去到不能修補的地步, 例如生過孩子, 做妓女...(應該不會吧), 亂攪男女關係的人, 現在大有人在呀, 只要懂得回頭是岸就沒問題了.
其實現在最大問題, 都是你不知道怎樣去把男朋友介紹給家人認識, 既然這樣你不要想到有一步登天的想法, 可能你父母已一早給你之前男朋友的印象, 令到他們覺得你識的都不是好人, 但時間可以證明一切, 日子久了, 他們見你們還在一起, 而且他對你好的話, 就能說服他們接受你男朋友呀, 當然這段時間, 你們要做多一點表面功夫了, 例如在他們面前待他們恭敬一點, 每次上你家拜訪要買點手信, 不能兩手空空, 講些好說話, 例如你媽煮得一手好菜, 叫他多點讚賞, 你現在還小, 結婚的事可以再安排耐一點, 大家有穩定經濟基礎及建築了大家深厚的感情才結婚都不遲.

um, 你地仲咁後生, 男既22, 女既19, e家唔見家長都無咩大不了, 過多一年半截都唔遲架, 咪等到農曆年拜年先至見面都得架, 講真家陣係知識型社會, 你地都要一齊增值自己, 將來既日子先至會過得更好, 10個月時間話長唔長, 話短唔短, 你阿媽都係擔心你未定性o者, 我都有d咁既諗法, 假若你22歲結婚, 24歲生仔, 你既生活就只有家庭生活, 你會唔會出外工作, 還是留家照顧仔女, 煮飯洗衫呢? 一切好似發生得好快囉, 不過, 最緊要你喜歡d種生活, 亦都可以話錯過左可能會後悔, 一齊去多d地方玩下, 再瞭解下d個人啦!

始終你們拍拖只有10個月時間，妳覺得他真正了解你嗎？而妳又真正了解他嗎？拍拖的時候，總會把最好的一面給別人看，但妳有沒有想過真正一起生活，妳們又夾得來嗎？
人會隨着年齡而成長，這一刻妳覺得男朋友只要對妳好就足夠，但這個並不代表妳3年後、5年後、甚至乎10年後的想法。對我而言，妳還是一個天真的細路女，我想妳媽媽都跟我同樣想法！妳們拍拖未夠一年，仍然處於熱戀的階段，但妳有沒有想過，當感情冷卻後，妳是否仍然想嫁給他呢？又或是一、兩年後，或許妳、或許他身邊出現第三者時，你們能否完全不受引誘呢？沒有經歷、風平浪靜時，你們當然覺得對方好好，但這種感覺並不是真實，你們只是被現在的開心蒙蔽了！
所以我覺得妳無需咁快就見家長，俾多D時間去了解他才作下一步打算吧！

當愛上一個人是好告訴家人既 ! 不過妳媽媽未嘗無道理 , 我之前都試過同一個男子拍拖已經拍了 2 年了 , 最後才說大家不合分手 , 妳都是幾個月怎可以這麼肯定呀 ! 通常男家都比較接受 , 因為無小喎 ! 樣子絕對不是問題 , 我現在男友都靚仔呀 ! 要證明他是好只有時間 , 想趁早組織家庭即是幾時 , 現在才19 , 好多一生經歷都未試過 , 結婚後還有一大堆問題 , 結婚還做事嗎 ? 可以承擔家庭嗎 ? 家庭支出怎分配 ? 會否生育 ? 住屋問題 ? 妳估結婚只是 2 個人住在一起 , 憑這點已證實妳未有能力 , 凡事 3 思

你不好做傳聲筒？你們好好交往吧？待他25歲後！才見你母親也無所謂的？只要你一直是學好，學習正常規矩交流？母親對你有了信任？自然請他來，多謝他將你教好？你們好好增值？漫長路變數好大？至重要是你們學好？對老人家孝順！不好在老人面前爭論？