請steventtw20回答。

✔ 最佳答案

樓主問太多問題，而每條問題需要好多篇幅黎答，所以我簡單咁講幾句。

魚雷我聽過最快既係俄國實驗中既空泡魚雷，據聞速度達300節，但由於技術問題好多，未服役。據我所知最快既潛艦係阿爾發級，亦由蘇聯建造，達40節，不過由於噪音太大，所以用左唔係好耐。

戰機既分代無公認標準。流行講既第幾代一般係對噴射戰機既分類。第一代係流星、Me-262、F-86、Mig-15等二戰期間及之後不久出現既戰機。第二代係指F-4、Mig-21、F-104等20世紀50-60年代出現既戰機。樓主問既咁多款戰機，除左F-22及EF-2000，其他全部都係三代機。EF-2000由於隱身性能較傳統三代機出眾，所以被稱為三代半，而F-22由於係全隱身，所以被稱為第四代戰機。F-22同F-35都係美軍新一代戰機，主要係F-35成本低啲、可以垂直升降。F-22既作戰半徑長啲，而且係雙引擎。

T-90齋睇數據都幾勁。火炮係125毫米，聽聞威力一流，而且據聞掛左反應裝甲既T-90防護力好高，能有效防禦RPG成型裝藥彈頭。另外T-90有自動裝彈機，亦有主動防禦系統及激光致盲裝置。雖然如此，但T-90係車臣戰爭中表現麻麻，被擊毀唔少，但印度對呢款坦克既戰績一於好少理，大量入貨，到依家已經裝備超過300架。

前置翼戰機既好處主要係可以食住主翼前方既氣流，令架運動靈活啲。不過由於氣動外型既限制，前翼唔可以太大，於是令可操作面積大幅減少，亦令飛機係低速或高空空氣稀薄時無咁靈活。傳統後置水平尾翼由於面積較大，所以無左上述既兩個問題，但當然亦無左前翼帶來既靈活性。當然，一架飛機唔可以又有後置水平翼，亦有前置翼，因為咁既設計太複雜，反而令架機既氣動外型同控制太累贅，令飛機既性能太倒退。

回答 (2)