學鋼琴..請幫下我~

20歲都學得，12歲又點會學唔好呢？唔好擔心...
圖片參考：http://l.yimg.com/f/i/tw/ugc/rte/smiley_1.gif

學琴升級——每個人資質唔同，平日練琴時間及認真程度都唔同，所以升級快慢同呢d都會成正比。
除此之外，學琴既動機都會影響到升級快慢，就係學生為左考琴試還是其他而學琴。
如果天資好，手指條件好，又有興趣，行專業路線既學生，可能日日練幾個鐘琴。最快既三四年就可以彈到七、八級。當然呢種學生真係唔會太多咯。
通常資質和條件一般但係比較聽話既學生，遇啱好既老師，基本上也可以在六、七年左右考到八級，但因學生的資質和勤力程度，彈到八級歌（考過左八級試）而未及八級水平既人都唔少。有些人係為左升學需要而趕住考試，有些人係為左搵兼職，急於求成，雖然在專攻考琴試既過程中都學到唔少野，但因爲對各方面彈奏技巧及音樂風格認識唔深，除左三首考試歌之外，其他未曾彈過既歌都彈唔好。
所以呢，升級既問題係由家長、老師和學生共同決定架。如果遇啱好老師，又無特別需要，就唔好同同齡人比較（個個開始學琴既年紀都唔同，吸收情況、練琴時間都唔同），最好聼老師安排，甘樣進步最快，對學生亦最好。
甘樣你明唔明 ar...
仲有，升級唔需要逐級考試，亦都無需要逐年考，尤其係五級以下。到五、六級以上就要睇學低級既底好唔好，因爲頭先都講過考到個級試唔代表個個都有個級水平，學過幾年而未考過二、三級既學生都可能已經唔止個級水平。五、六級以上如果基礎好既就比較容易跳級，基礎唔扎實既就要慢慢上，包括樂理知識都唔可以一知半解，否則考試會有風險或者分數會唔平均。
一級至三級學習既内容跳度相對比較細，四級至五級都唔算太大。不過上面已經提過，越到高級，越要睇個人的基礎好壞決定學習的成果同米辛苦程度。所以我認爲，唔可以因爲簡單而忽視打底既低級階段，反而要趁低級好好鞏固及提高彈奏技巧，到五級以上先比較容易彈奏有挑戰性既歌。
考琴試——當學生學左一排，能力強既、判斷力強既學生可以根據自己既能力嘗試彈下相近級數既考試歌，之後參考老師既意見報考啱自己既級數。當然呢種做法只適合中高級程度既學生。


初學既學生第一次考試，最好聼老師安排，因爲始終係第一次無經驗，考試既結果足以影響將來學習既興趣及動力。如果未達程度就無畏浪費時閒及金錢學考試歌同埋報考。你話係米？
當然，如果有學生或者家長爲張左證書而提出考琴試既要求，就另當別論，但係如果考試級數同學生水平相距太大，考試結果可能就唔會太理想lar.
此外，學琴升級既速度，也會因老師既資質、教學方法而異，所以揀老師都好緊要。
練琴——初學時，你可以去就近琴行租琴房練琴，買套票會便d，你可以睇多幾間，因爲間間價錢都會唔同。
如果你選擇買琴，我建議你買德國琴或者日本琴yamaha，因爲質素好d，比較耐久。不過一萬蚊要買部好既新琴係好難架，如果有人甘講，多數都係唔識貨或者欺騙你架。
又平又好既琴行都係屈指可數，同埋可遇不可求，你未學過一定判斷唔到。其實間間都話自己好lar，人哋要做生意架...一般既琴行，師資水平相差好大，不過有些琴行就會講“我哋各個先生都好資深好犀利”，甘講既心情可以理解，不過對學生係米好呢就見仁見智（尤其係對完全未學過既學生我就覺得簡直係欺騙）。所以你話邊間好，邊個好，真係好難講，無絕對標準；就算人地覺得好，未必一定啱你，一定要你自己親身學落去先會知個老師啱唔啱你，有冇心機教你架，你話係米ar？
希望幫到你ar
圖片參考：http://l.yimg.com/f/i/tw/ugc/rte/smiley_1.gif


2009-06-05 17:15:58 補充：
你都可以考慮買部一般既琴或者二手琴先，練到四、五級以上再買部好琴；又或者如果你真係想學到好高級，我建議你不如一次過俾多d錢，買部好琴都得，琴係耐用品，早買遲買無所謂。關鍵係你要練琴先得。

仲有，你雖然可能遲過部分同齡人學琴，但係呢個年紀學琴理解能力強過年紀細既小朋友，好容易追到，不過前提係要勤力、比心機學。

如果你有其他問題，都可以e-mail俾我。

專業教授古典鋼琴及流行鋼琴 1-8級

~主要教授不同時期的古典音樂
~樂理,拍子,視,聽唱的訓練
~流行歌的伴奏,CHORD 的運用
~一些簡單的SOLO 技巧
~基本樂理 ~音樂概念
~一般指法 ~五線譜閱讀
~簡譜閱讀 ~音樂欣賞
~作曲 / 編曲 ~高級聽力練習 執歌技巧 (五線譜)

對音樂課程有興趣者
請致電查詢
MSN: [email protected]
Tel : 98120445 Moon Sir
E-mail : [email protected]

上課地點:本人開設的音樂中心 ( 牛頭角 )

又好又學得多野又平係無可能的. 如果你有心想學好鋼琴, 有個老師可以介紹俾你, lee 個老師教得好好, 好有教學經驗. 下面有個網址, 你可以睇睇.

http://rockyku.no-ip.com

of couse you can.通理琴行。那裏d鋼琴會平d既.