✔ 最佳答案
你的資料並不足夠,很難幫到你!
例如你個缸有幾大?係甚麼類型的海水缸?
如滴漏缸,底喉架鋪沙底,純沙底用桶過濾放生物環?
你換的水係開鹽還是用廁所水?你換幾多水?
你開缸有多久?是否新開缸?
海水缸甚少會有水濁現象!一般情況只有幾個原因:
新開缸水不穩定!硝化細菌嚴重不足!
若用廁所水,起初會不清,水會有灰黑的顏色,
要經過幾個小時過濾後,才會變得清澈.
如果係滴漏缸,就應該不會有此現象!
如果係用底喉架鋪沙,留意潛水泵出水有無塞或出水慢!
如果係純鋪沙,用桶過濾,那個過濾桶是否夠力,
24"缸要用每小時1200L流量的過濾桶才可,而桶內必須放置大量的生物環,
如生物環不足,硝化細菌不夠,水會變得濁!
如果你用廁所水,暫時改用化學鹽,
再更換1/3水,換水後落硝化細菌水,連續落數天,
你回答我的問題後,我再補充.