日本青酒一問,請問青酒怎樣分級?

日本清酒主用要米、酵母同埋水釀製而成. 傳統釀製方法係先磨米、洗淨、浸水、瀝乾再蒸熟. 冷卻後加入麴菌、酵母和水, 令佢糖化同以低溫發酵，過濾後就成為清酒.
清酒主要用米釀製而成. 由於米嘅外層含蛋白質、維他命等雜質, 會影響酒嘅味道, 所以釀酒前先要磨咗米表層嘅雜質. 再用餘下嘅中心部分釀酒.
磨得愈多雜質愈少, 釀出來嘅酒愈高級. 磨米嘅比率稱為「精米度」. 而清酒嘅級數, 就取決於精米度. 比例愈低愈高級 - 如精米度為60%或以下, 代表已磨走米表層40%.
清酒八個級別分別為:
本釀造（磨剩70%以下）、特別本釀造（磨剩60%以下）、純米酒（磨剩70%以下）、特別純米酒（磨剩60%以下）、吟釀（磨剩60%以下）、純米吟釀（磨剩60%以下）、大吟釀（磨剩50%以下）及純米大吟釀（磨剩50%以下）.
個人意見, 清酒最佳送酒小食係日式枝豆或爐端燒. 但各人口味不同, 好難講...