應唔應該交電話費

你梗係要交電話費！件事係出於你的誤會，認為打IDD用001字頭就理所當然用PCCW的線路。

做個簡單實驗，你用你的和電 fixed line，打電話去1083問電話，睇下係唔係電盈電話查詢接？今天1083也不一定是電盈的service。

冇錯，當天固網打IDD用001字頭就係電話公司HKT (即 Hong Kong Telephone，電盈 PCCW前身) 的線路，因為當天HKT是獨家經營。

但自從HKT收咗政府賠償，香港固網電話市場開始加入競爭者，打 IDD 001不再是用HKT/PCCW的線路，而是用各 carrier 自己的線路。

001、007、008、0030、0060等字頭其實是指示機樓接駁IDD，而001是指示機樓用 default IDD 線路打IDD。何謂 default IDD 線路？即所屬電訉公司提供的線路。你用和電固網的電話打001，訉號首先去咗和電嘅機樓 (Switch)，機樓見到你打IDD 001，當然 route 咗去和電提供的IDD線路去接駁海外電話號碼。整個過程都唔會經PCCW個 switch。

(P.S. 手機用＋打IDD，也是指示機樓用 default IDD 線路打IDD)

你真係想用番PCCW嘅IDD線路，就要重新登記0060，每次打IDD都用0060，但咁樣所有IDD嘅費用就會同你固網張單分開，因為畢竟和電同PCCW係兩間公司。

本地各固網網絡的通話質數小弟唔敢講，但至於IDD線路的通話質數，我可以大膽講句，今天PCCW的IDD線路，不會比其他carrier (例如九倉及和電)的好，所有 carrier 更在大眾不知不覺中，以IP 形式接駁其 IDD 線路 (以前一定行E1)。打個簡單比喻，即係話你食嘅$40籠虾餃王係用緊雪虾做嘅。

『你以前一直用pccw固網，百一蚊個月，有登記IDD 001 同 0060，一直都冇取消，屋企個電話號碼係用番舊嗰個號碼。』這一切隨著你轉咗去和電而自動取消。




2009-06-03 11:27:55 補充：
電訉管理局的文件:

http://www.ofta.gov.hk/en/numbering/no_plan/2009/200905.pdf

留意第6頁有關001prefix，001 是國際長途電話的 access code，屬 Category 3，即所有網絡商都可自己使用，並且不需要將訉號傳送予其他網絡商。其餘007、0030、0060等只可一個網絡商使用。

2009-06-05 12:01:31 補充：
噢，對唔住，經查証我搞錯咗一樣嘢，就係就算是換了營運商，一個電話號碼只須要登記一次IDD服務，即0060之服務，你不須重新登記。

原理是: 你打0060，和電機樓見到0060，便駁線去電盈 (因0060是電盈專號)，電盈憑 caller ID去判斷來電冧把是否已登記客户，由於你冇改電話號碼，所以電盈查到是已登記客户，便駁線去海外。

是我搞錯做成誤會，orz！

2009-06-05 12:01:45 補充：
但在001問題上，我確認我的資料正確。

今天，001這IDD access code 任何固網或手機台都可以用，一旦打001，固網或手機台就利用其自家的 gateway去接駁海外。用和電固網打001，等同打008；用九倉固網打001，等同打007；用電盈固網打001，等同打006。你要用番電盈IDD服務，打006或0060吧！

點解條線會轉咗去和記?
但係你第一句就話 " 今年屋企轉用和記固網 "
咁即係點呢

屋企人打長途電話，係打 001 字頭，但係和記 0080 出單同我收電話費

呢一個係正常程序, 由於你係用家中電話 (和記) 打出 001 (PCCW) 電話, 所以 PCCW 會要求由和記代收電話費而轉交, 因為 PCCW係無你既資料,
例子 : 你用手提電話 (假設係 CSL), 之後用電話 DOWNLOAD 個D #9382 既WALLPAPER 或者 JAVA GAME, 其實都係由 CSL 代收錢, 之後轉給那間提供 JAVA GAME DOWNLOAD 既公司......
再給多個例子:
商台咪有個叫 有誰共鳴 881903 既捐款節目, 都係叫大家用手機SEND 個短訊去某個電話就可捐款, 就算係你捐左, 商台都唔會出單叫你比錢架, 都係由本身電訊商寄單代收

FINALLY

只要和記要你交錢的單係顯示 用過 001, 而資料正確,
就一定無問題

無用過當然唔比啦
尼D電訊公司一味靠屈好Q無品的