學法文!! summer course

好少見到自己學緊個間既名呢(慧祈)~不期然想回答一下^^

我只係係個度學日文，所以其實對佢既法文課程都唔多了解；
而且我相信唔同老師都好有分別，所以實在唔能夠話因為我係個度學日文學得幾好，就話你知係個度學法文都冇問題。
不過我想提一點既係，一間學校唔會話教你d野你用唔返，
用唔用得返係睇你自己既環境係點。
比如話我學日文，我周圍都冇日本人，當然就唔會用得著了；但當我聽歌、睇日劇時，聽到某d字詞我係認識既(原諒我只係初學)，咁又有d用喎~

所以以你既情況而言，如果你周圍根本冇需要用到、聽到、睇到法文既地方，你自自然就用唔到，因為語言係要用黎同人溝通的嘛!你自己一個識係無用哦~
講多少少，其實據我所知市面某d學校既老師都同時係幾間學校度任教呢~所以師資到底係咪真係好有分別呢?我相信真係要睇彩數^^

再加多個私人感想，就係：反正都只係summer course，試過唔岩咪唔再報落去囉~
哈哈~我真係覺得summer course既作用係"試"多過"學"。

希望以上意見可以幫到你去決定吧~