點樣可以令倉鼠開心d?

想鼠鼠開心我覺得最緊要令鼠鼠可以安心訓同食,咁鼠鼠就會生活得好好動物世界我覺得比人簡單,有得食有得訓,唔洗擔驚受怕,唔怕弱肉強食,已經十分好了,除非養既時候有寵壞左鼠鼠,就未必咁簡單,例如習慣俾好多零食俾鼠鼠食,咁鼠鼠就可能會揀飲擇食,冇某一樣野食就好似唔開心咁,不過我就覺得咁唔好,對鼠鼠身體有負面影響

鼠鼠身體細小,又冇咩自我保護能力,所以好易受驚,令鼠鼠住得安心食得放心,可以留意返以下既事:
1)多D檢查鼠鼠既身體同排泄物
留意多D鼠鼠既身體,鼠鼠一有D咩唔舒服就盡快處理,如果唔係,鼠鼠唔舒服都會好不安及辛苦

2)唔好一籠多鼠
鼠鼠係獨居動物,所以唔鍾意同第隻鼠一齊生活,當然第d動物都唔好啦

3)保持衛生
一星期洗一次籠,同鼠鼠一星期沖一次涼,熱天沖兩次,令鼠鼠同環境衛生D,鼠鼠住都住得舒服D,鼠鼠本身係好喜歡乾淨,見佢成日自己沖涼就知啦

4)鼠籠安全
留意多D鼠籠有冇咩野會整親鼠鼠,唔好用貓砂做墊材,因為太硬太大粒,會易令鼠鼠腳仔唔舒服甚至受傷
籠既地面同轉輪唔會係有隙,唔係好易卡到鼠鼠既腳

5)唔好對鼠鼠突然發出太大既聲音
好似吸塵咁,可以由距離鼠鼠較遠既地方開始吸,咁就冇咁大聲
叫鼠鼠就細聲D叫

6)唔好突然抱鼠鼠
特別係唔好從後忽然抱鼠鼠,咁會嚇親鼠鼠,以為有第D動物攻擊佢
抱鼠鼠最好先輕聲叫鼠鼠,之後先再抱,仲要同鼠鼠熟左先抱

7)唔好勉強鼠鼠
當你對鼠鼠做一樣野,而鼠鼠反應係唔喜歡or驚既話,就唔好再勉強鼠鼠

8)唔好攪鼠鼠既尾
鼠鼠多數都唔喜歡俾人攪條尾,咀同鼻都麻麻地

9)唔好用光照鼠鼠
鼠鼠習慣夜晚活動日頭訓覺,所以習慣左會怕光,如果用光直照鼠鼠既眼,會令鼠鼠驚
除非係照鼠鼠既身體唔會整到眼,好似皮膚有外傷想睇真d,咁既時候就冇問題

10)了解鼠鼠
想了解鼠鼠既感受,我覺得最好可以代入鼠鼠,留意多d鼠鼠既一舉一動,了解多d鼠鼠獨居既天性及原始既居住環境,唔好以人既感受去以為鼠鼠好似人一樣

其實倉鼠好似細路,被D玩具佢玩(唔好令倉鼠冇位活動),抽D時間伴下佢(可以放佢出來散步,做下日,又或者同佢講下心事,King下計.自然會開心啦!!!