✔ 最佳答案
您講個隻藥,唔係咁了解,但我爸媽都中過風,少少經驗希望幫到您。
首先,中風後,唔好亂食藥,哩樣係重點。
如果成日見唔舒服,最好帶佢睇睇中醫,調理番身體先,一. 中醫把過脈,知道個情況咩藥岩您媽咪身子食,咩藥唔岩您媽咪身子食。
真係架,中成藥唔係唔好食,只係一定要問過醫生,西醫未必答您,但中醫會答到您。
我爸爸媽媽中風時,我買北京同仁堂隻安宮牛黃丸俾佢地食。
但我地係問過中醫,佢地既體質、情況可唔可以食先俾佢地食既。
三百幾蚊一粒,我爸食左廿幾粒,我媽都食左十幾粒,但我地覺得值囉,唔係幾多錢既問題,而係錢用左出去,對佢地係咪真係有幫助先?
您買買埋埋既藥都唔岩佢食,或者無幫助既,咁浪費錢之餘又浪費左您對您媽媽既關心丫。
但係咁,唔好見我話安宮牛黃丸對中風好就即刻去買俾您媽咪食,因為有d體質既人係唔岩食安宮,長氣都要講,食中成藥前,最好去睇下中醫先。
您可以問下個中醫,想買乜乜藥俾您媽咪食,岩唔岩佢食丫? 中醫會肯答架。
其實,您媽咪當時中風,醫生有無解釋過係咩事中風? 爆/塞血管定T.I.A.?
如果係T.I.A.既,休息多D,尤其是最初個半年,盡量唔好俾佢操勞,真係叫佢日瞓夜瞓就最好,因為T.I.A.唔好好照顧的話,再黎一次就係一鑊勁既中風,後果可大可小。
如果係爆/塞血管既,改善中風後遺症,最有幫助既野始終都係做運動,藥物只係輔助性質。
當然,唔係叫您媽咪去跑步丫個D咁大運動量既運動。
您可以去買部物理治療用既單車,好細部,個人坐係椅到,部單車放係地下到踩個D,一般醫療用品公司有得賣,二百蚊左右。
單車係最好既用具,因為可以練番腳、PATPAT既力,咁會行得穩好多。
中風既人好易因為行得唔穩而跌親,中風病人跌親可大可小,隨時會再中風,所以,最好買埋枝拐杖俾佢。
屋企人忽然間病左,尤其是中風哩類病,個人係好亂,出於對家人關愛之心,一定會搵好多資料,藥物,希望幫到佢,但少少個人經驗,哩個世界樣樣都會係好,樣樣都會係唔好,好同唔好係在乎適唔適合自己當時既情況。