買樓check田土廳

我想問若買左樓後，想check果間屋有冇事發生過，咁應該由邊個去check田土廳呢？

若想知那單位有沒有曾屎過人又可以向那部門查問呢?

如果你是經地產代理買樓, 咁地產代理是有責任會Check業權的, 律師在辦理有關手績時也會再核實的, 但check業權是check唔到有冇事發生過的, 就算一D兇屋網的資料也未必齊全的。

你可以攞個物業地址, 去銀行做按揭, 如果估價估得足(同近期成交接近)的, 咁間屋一般都應該冇乜野事的, 因為, 測量師行對有關的資料是最敏感的, 如果物業有問題, 估價通常都會估低好多的。

你再唔放心, 你就自己去搵D看更傾計, 問吓佢嚮度佢做咗幾耐(唔該你千祈要有禮貌D), 如果佢嚮度做咗好耐, 你咪問吓佢 個單位 或 座大廈 有冇乜野發生過囉。

我同經紀講呢個問題，經紀又話律師會做喎！咁律師係咪真係會check呢？

其實, 法例是有規定地產代理和律師都要做查冊的, 但除非業主在持有該物業期間 屎左, 如果唔係, 查冊都查唔到的。

同埋我可唔可以要求喺合約上，叫律師加多一項條款，就係證明呢間屋冇事發生過呢？

唔可以,

你只可以一早要求在臨時買賣合約內寫入條款, 到簽咗臨時約, 如果未經 買賣雙方同意 或 沒有法庭命令 , 誰都不可以單方面 增加 , 刪減 或 更改任何條款的。

土地註冊處(田土廳)只能查業主名稱及樓契資料，如果業主因為違犯建築物條例或欠債而被釘契，該處也會有記錄，除此以外的問題該處不會有資料，例如單位曾經死過人，該處是不會有資料的，你要了解清楚其部門的工作性質

2009-06-01 19:47:16 補充：
若想知那單位有沒有曾屎過人又可以向那部門查問呢?
沒有一個部門提供此服務，你可以付款上凶宅網查，但誠如樓下人兄所言，其資料未必齊全，銀行如果上到會就無問題，其他管理處或鄰居的回答只能作參考，因為他們沒有責任回答這個問題，其資料也未必正確

2009-06-01 19:49:44 補充：
其實你應該在落訂前要賣家簽份聲明，表示交易單位並非凶宅，否則交易無效，如果單位不是有特別的問題，賣家會肯簽的