我想識女朋友

本人己經年過三十有幾，但到宜家仲未有女朋友，每當我睇中嗰啲女仔，唔係有男朋友就係結咗婚，再唔係就年紀只得廿出頭。點算？
最大問題係我入息唔穩定，同埋我好懶，一聽到個女仔住得遠，我就唔係好想追。因為每當我想到如果我追到個女仔的話，去完街要送人番屋企。由於我住荃葵青區，如果個女仔住新界北、港島南區、九龍東、新界西的話，我都覺得好麻煩，好嘥時間。
好多人成日同我講，叫我番大陸搵，我第一印象就係我咪要成日番大陸，咁咪好重皮？加上番大陸只係為咗見個女仔，咁好唔合經濟原則。