LUMIX FZ-28 加clp or uv鏡 好??

其實Fz 28就咁乜都唔加己經可以影到景同人,加鏡目的只係為咗做特別效果.

咁多樣配件之中偏光鏡算係比較有效果,影風景可以整藍個天同埋瀘下反光,都可以考慮.
Fz 28可以配任何46mm直徑瀘鏡.由於唔需要轉動鏡頭對焦,你可以買較平既PL,唔需要買CPL.
我覺得平既都唔差,建議買Kenko或者Hoya都可以,應該都係百幾蚊.如果花起可以考慮B&W,可能就要三,四百.
不過46mm好似唔係咁常見,唔知有冇貨,可能被迫要買原廠DMW-LPL46,咁就要成$800.
UV鏡我就覺得冇需要,因為數碼機唔受UV影響,純粹當保護鏡用,要加咁大份嘢保護個鏡頭有點多此一舉.
PL瀘鏡唔會令部機zoom唔到,但就會減光兩級,尤其影夜景,會搞到曝光時間超長,係唔可以長期安裝的,只可以在需要時先安裝.
DC比較難影到前清後矇的,好彩Fz 28係長zoom機,都可以有多小效果,你可以zoom到盡,用光圈先決模式將光圈開盡,即係F4.4.盡量近影,咁效果己經最盡.個人係會要走到好遠,唔方便,不過都冇辦法.
另一個效果好明顯的方法就係影微距,不過就只適用於一啲細物件,影人用微距可能只影到隻眼或者個鼻.