咁我地兩個都係同一堆朋友玩, 有 8 個人
我地本來玩得好開心
點知下學期有個 w 同學加入左, 仲同 a 好 friend
雖然我本身已經唔鍾意 w ,但開頭我都冇乜野
但到後尾 a 就成日同 w 一齊, 唔係好理我
因為我地分開坐, 次次我去搵佢佢都只掛住同 w 玩
我好心淡, 好妒嫉, 開始唔鍾意 w
而其實 w 都知道咁, 私下會唔理我但大班人一齊就扮冇野咁
到到後來 a 成日只理 w, 搞到我地堆人有 9 個
本身 8 個剛剛好係 4 組人, 我同 a 最 friend, b 同 c 最 friend 咁
但 9 個後成日一分組兩個兩個就會好奇怪, 好似搞亂晒咁
有次我忍唔住講笑咁同 a 話佢成日掛住 w 唔理我
佢就好似冇野咁話 w 好笑呀咁, 搞到我都唔知點算好
再之後我就好唔開心, 唔再主動搵 a, a 都冇搵我
之前佢成日去 tuck shop 都會搵我, 但識左 w 之後就再冇
所以我就成日不停諗 a 其實係咪跟本就唔重視我
加上 w 有時會特登喺我前 show off 佢同 a 好 friend
跟住就搞到我好唔想同佢地玩, 好唔開心
其實呢個問題我都有同 c 講, 佢都係我地堆人中, 同我都 friend
c 好好, 佢好想幫我, 但我覺得自己好衰, 搞到人地好尷尬
同埋 8 個中 7 個都鍾意 w, 只有我唔鍾意佢
有時見到佢地玩得咁開心我會覺得自己冇容身之地
其實我好衰, 我想只有我地 8 個, 但我清楚跟本冇可能
我好想同 a 好似以前咁咁開心, 因為我真係好鍾意佢
我應該點算 ?
希望你地可以幫到我, 多謝
更新1:
TO tony112233442000 a 唔知我唔鍾意 w 呢 係 w 知我唔鍾意佢 而且, 澄清一點, 我由一開始已經唔鍾意 w 唔係因為佢同 a 玩我先唔鍾意佢 但係老實講我的確有一部份係因為 a 成日只顧佢所以更唔鍾意佢 另外, 我冇話想佢唔理 w 呢 我只希望有方法可以令佢唔好成日只顧 w 理吓我 Anyway, 多謝你嘅回答 我都好贊同可以搵另一班朋友 但有時真係放唔低呀
更新2:
TO juiceaoa 我一開始唔鍾意 w 係因為佢太姿整 我唔係好鍾意啲太姿整嘅人 同埋佢都 Okay 串 我其實已經寫左一封信俾佢 都係話我呢排唔係好開心 點知佢一路都冇覆我 仲直情扮睇我唔到咁 點算好 ?
