買日本水貨手機,有咩要注意的地方?

你曉得提TMSI、Hyper SIM等，你都做過 research 噃。

買日系手機要注意的地方:

1. 解鎖

日系手機在日本本土沒有單獨出售，一般要簽約，通常零機價或好平出機，牌子是用手機台的 (如FOMA 及 Softbank)，出機時落咗 SIM Lock，攞來香港用，要解鎖。解鎖方法最常見是 Hyper SIM，即卡貼，以台灣人的技術最高超。但最近DoCoMo N-02A可以軟解 (即用軟件解鎖)，一般嚟講，軟解好過硬解，但又唔係隻隻機都可以軟解。買機時問佢硬解還是軟解？硬解的話，卡貼係台灣還是大陸做。

卡貼要剪SIM，你帶埋張SIM去畀佢剪，剪完馬上試下。

2. 部份功能不能使用

日本手機台都好醒，知道你班友會解鎖，所以佢也將個 lock 設計得好精密，有時你會見到有廣告話什麼功能全破解，其實係呃人嘅，最近 FOMA 及 Softbank 的日系手機都未有人成功所有功能全破解。最簡單的上網功能絕大部份解鎖的日系手機也未能做到。你買機時要問清楚邊啲功能得，邊啲功能唔得？

3. 語言

日系手機只有日文及英文介面。而大部份解鎖機也無中文輸入，SMS方面，大部份解鎖機也無中文顯示。間中都到支離破碎的中文短訉只是因為某些中文字與日本漢字是同一個碼。有部份水貨商可加中文輸入，買機時問清楚。

P.S. N-02A 有內置中文輸入。

4. 網絡

解鎖後的日系手機，只有2G正常運作 (日系3G手機是WCDMA + GSM機)，解鎖後，也容易出現「圈外」情况，圈外即冇訉號，要重新用褓母機開機，麻煩到極點。仲有，由於 network 問題，3 HK的SIM是不能用於解鎖後的日系手機 (軟解機例外)。買機時問下會唔會容易出現圈外，有些卡貼是可以不用褓母機情況下自動重新接駁網絡。

最後，當然要揀信譽良好的店舖，先達有幾間都唔錯，有中文使用notes，兆萬地庫嗰邊我冇幫趁過，不便作評論。

Recommend 機款: 軟解的 FOMA N-02A