✔ 最佳答案
SMG全名為 Sequential Manual Gearbox, 即係BMW嘅自動Clutch棍波. 以 BMW M3嚟講, 前一代嘅 M3 (E36) 首次採用 SMG, 之後到上一代 M3 (E46) 就用 SMG II.
同一般自動波唔同, SMG仍然係用機械離合器去進行轉波 (而唔係自動波咁用液壓嘅扭力轉換器), 只不過 SMG波箱係用電腦去控制極力子嘅開合時間, 唔需要駕駛者自己踩極力子.
易唔易壞就視乎駕駛者點揸. SMG有個彈clutch mode, 有助起跑時間, 但就好傷 clutch. 如果上手成日玩呢樣嘢, 個 clutch就好快壞. 波箱本身反而唔係問題. 不過呢隻波箱喺全自動模式時唔係咁順暢, 即俗稱嘅"跑馬仔".
到而家呢代 M3 (E90/E92) 就轉咗用較新科技同較順暢嘅自動雙極力子棍波嘅 DCT (Dual Clutch Transmission).