血壓高需否服藥

其實那些賣廣告的人，你們知唔知道你地係害緊人？叫人有病自己去食藥，唔看醫生，後果真係可大可小。如果人地真係因為你個廣告而遲左看醫生，有甚麼事你會唔會內疚？你賺左錢又點？你害左個人！
好，講番你的問題︰根據WHO的指引，血壓高過139/89就要醫的了，亦即係高血壓。高血壓可以說係隱形的殺手，因為佢本身係唔會有任何病癥，但係高血壓就會增加心臟病、中風等的風險，而這些都係有嚴重的後果的，而事先亦很少先兆。所以一有高血壓，一定要醫。
以你的情況來說，單靠運動和飲食係唔足夠的，一定要食藥，所以建議你盡快找醫生開藥比你。
順便一題，就係唔好亂咁食藥，因為雖然大部分的高血壓係成因不明，但有10%左右的人係因為其他的問題引致高血壓的，因此我看你還是去看看醫生，否則亂食藥你治標不治本的。仲有，食左藥之後，副作用可能好大，例如會頭暈等，但你千萬不要自行停藥，應該立即找你的醫生調較劑量，因為血壓時高時低係十分危險的，而且有些藥係唔可以突然之間停用的。
除左看醫生食藥，我亦建議你多做運動(由少量做起，慢慢加到每星期最少兩次20-30分鐘)，戒酒、減肥(如果你係過肥的話)、以及不要食得太「咸」。
記住，高血壓本身係無病癥的，因此往往被人忽略，但它卻可以引致很多嚴重的後果，如心臟病及中風，這些都係會死人的，所以一定要去看醫生！

要。
上壓159都算高。
下壓90雖不算高，但有些國家己當下壓80為警戒線，所以算是高血壓。
所以建議服降血壓藥。