✔ 最佳答案
你無講 200克係純度定粉末. 如果係純度, 就直接了當 200克. 如果係粉末, 咁K仔純度大約55%, 即係200克粉末大約含有110克k仔. 都係同一個 band.
根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運1克或以下的E仔及K仔可以藏毒為交替, 判刑由法官決定. 1-10克判監2-4年. 10-50克判監4-6年, 50-300克判監6-9年, 300-600克判監9-12年, 600-1000克判監12-14年, 1000克以上判監14年以上.
以上判刑係各級法院都要遵守, 法官無得自行更改. 換句話講, 除非佢打得甩, 否則一定會坐監 (未夠18就判更生 / 勞教). 純度200克大約8年. 純度110克大純7年.
你無講佢被捕情況, 唔知佢有無機會打得甩. 只可以話: 認罪就即減三份一.
2009-05-31 01:42:02 補充：
1.a. 開庭審訊前認罪都可以有減刑三份一.
1.b. 認咗罪就無得再保釋. 會扣留在茘枝角等待轉介上高院判刑.
2. 普通一包散裝K仔大約幾克, 純度約1克. 你成200克純度, 拆散咗即係成百幾二百色, 講話自己食, 個官信唔信? 而且指引訂明1克以下先可當藏毒 (自己食). 所以都唔使抱太大希望.
3. 有哂指引, 法官無得自行更改, 唔使旨意判緩刑 / 社會服務令.
4. 當佢判
2009-05-31 01:46:54 補充：
4. 當佢判你 8年, 即係96個月. 認罪減三份一 (32個月), 即係判 64個月. 扣埋獄中行為良好 (唔係 "扣假期". 坐監邊有得放假咁正!) 再減三份一 (21個月多 d), 即係實坐42又2/3個月. 大約3年半多d.
2009-05-31 01:53:11 補充：
4.b. "成年"係指幾多歲先? 18? 21? 如果你犯事時未夠18, 而家剛18, 就有機會入更生 / 勞教中心.
2009-05-31 01:56:03 補充：
咁有心機答你, 唔好睇完答案就delete問題呀!
2009-05-31 02:03:23 補充：
更生中心最長每次坐9個月(最少3個月), 出冊之後守一年行為. 期間犯事會被 recall (召回) 再坐. 坐完又守行為, 如此類推, 最多坐3年.
勞教中心最長每次坐12個月, 之後守一年行為. 期間犯事會被 recall (召回) 再坐. 最多坐1年.
2009-05-31 02:18:57 補充：
5.a. 咁大包k仔, 一定係販運, 唔會當藏毒, 所以無機會入戒毒所.
5.b. 有機會. 在定罪當日不小於14歲但又未滿21歲；從未服刑於監獄 / 勞教 / 教導所 / 戒毒所及在被定罪時在醫學上獲證明為並無倚賴藥物成癮(吸毒), 都有機會判入更生 / 勞教中心.
6. 你可請律師求情, 但因有判刑指引, 唔到個官話事, 所以作用不大. 但一試無妨.
7. 你一認罪就會拋老荔. 有幾多時間? 咪到你認罪咁多時間囉. 你可第2堂唔認, 第3堂先認. 再唔係一路唔認, 到打完官司睇吓點, 咁咪拖得最長時間囉...
2009-05-31 02:20:11 補充：
嗱! 我有問必答, 你唔好睇完答案就delete問題呀!
2009-05-31 02:24:59 補充：
如果你犯事果陣 19 歲, 好有機會判更生 / 勞教中心. 越快認越代表係有悔意, 入更生 / 勞教都短 d 時間...
2009-05-31 02:34:40 補充：
無! K仔係法庭近年重點打擊嘅毒品, 因為實在太多年青人吸食. 所以上訴庭先在以上許守城一案大大加重刑罰. 以前販運 25克以下K仔判刑由法官決定, 5克以下都重可以當藏毒, 罰款了事. 而家1克以上己經當販運!
你淨係睇我 d 毒品判刑答案, 大部份都係 k 仔...
2009-05-31 02:37:06 補充：
你算好彩, 犯事時19歲, 又係初犯, 好有可能入更生 / 勞教. 無乜大事約9個月出得番嚟. 如果你過咗21, 3年半監禁走唔甩...
2009-05-31 02:41:05 補充：
出得嚟行預咗要還. 錯咗, 咪受囉. 受完一筆勾消, 唔好再錯咪得囉!
2009-05-31 02:52:24 補充：
更生中心判刑最長每次坐9個月(最少3個月), 出冊之後守一年行為. 呢一年內唔犯事, 就當搞掂 / 完結. 唔使再坐監. 但守行為期間再犯事, 會被 recall (召回) 再坐3-9個月. 坐完又要再守行為, 如此類推. 但總刑期最多3年. 你唔在守行為期間再犯事, 咪唔使再坐囉!
2009-05-31 02:53:13 補充：
判更生 / 勞教係代替坐監. 唔會兩者並行.
2009-05-31 03:03:51 補充：
第一堂只係過堂, 唔使答辯. 第2堂會問你認唔認. 認就取消擔保還押, 轉介高院判刑. 唔認就另訂日子開庭正式審訊. 在正式審訊前任何時間包括開庭當日你都可以認罪. 但愈遲認個官愈有理由唔俾足三份一減刑(係呀, 唔係老奉一定要俾足!)
2009-05-31 03:10:29 補充：
200克K仔對21歲以上犯人係無錯要坐好幾年.但21歲以下犯人就有機會判以更生中心代替咗坐監, 即係如果行為良好, 出嚟後守行為時又唔犯法, 咁就最多9個月搞掂哂.
更生 / 勞教係代替坐監, 唔會又入更生又坐監嘅. 我講咁耐你明唔明?
2009-05-31 03:18:04 補充：
更生中心判刑最長每次坐9個月(最少3個月), 出冊之後守一年行為. 呢一年內唔犯事, 就當搞掂 / 完結, 回復自由身, 再無官司, 亦唔使再坐監. 但守行為期間再犯事, 會再坐3-9個月. 坐完又要再守行為, 如此類推. 總刑期最多3年, 以每次判最高刑罰計, 即係可被 recall 4次 (9 x 4 = 36).
你唔在守行為期間再犯事, 唔俾人recall你, 咪淨坐最多9個月就回復自由身囉!
2009-05-31 03:26:34 補充：
祝好運!
