有關泌尿科的問題...好擔心 , 而家唔知點算好

(1) 痛可能係發炎都唔出奇，或者同你講既腎石有關，最好去私家醫院詳細 d 驗清楚係咩病，對症下藥，務求盡快醫好。

(2) 最好唔好再睇政府醫院，佢地資源有限，有排等。如果睇私家醫院，例如法國醫院 (即係聖德肋撒醫院)，如初步檢驗，即係驗尿、驗精液、種茵，就合共要大概 HK$900 左右。如做超聲波就另外要千幾架。再做，就可以做埋尿流測試，睇下你個膀胱夠唔夠力痾等等！貴唔貴就見人見智。 (我就覺得條命仔緊要 d 囉，有健康，錢可以再搵既，係咪﹖)

(3) 聽你講，情況都幾嚴重，最好唔好再等，盡快醫！你都唔想痾親尿都痛架！如果泌尿系統有問題，痾唔到，尿液由膀胱倒流去個腎，嚴重既，可以變成腎衰竭！或者腎功能嚴重受損，到時要換腎仲大鑊！(唔係嚇你架，真係會架！)

(4) 最好唔好試中醫，中醫醫得慢，尤其是係發炎等症狀。

你最好留意一下自己﹕

(i) 小便有無血，痾之前要唔要等好耐，小便有無開叉，有無其他顏色，氣味。睇醫生既時候清楚話比佢聽。

(ii) 減少 / 盡量避免性生活 (包括手淫)

(iii) 留意一下自己，可唔可以射精，定還是每次都只可以流出黎。留意下 d 精有無血，有無好多西米。呢 d 資料對診症都好有用架。

(iv) 如果你有試過叫雞，要話埋比醫生聽，佢可以幫你驗埋有無性病。

(v) 好重要的，就係唔好因為痾尿會痛，就唔飲水 (或者飲少好多)，又成日都唔去廁所 (或者等到好急先去)，咁樣會令病情更加嚴重！(就算係好人好者，如果忍得太耐，痾既時候都會痛！)仲有，臨訓前唔好飲太多水，避免泌尿系統有太大壓力。

(vi) 唔好著太緊，用橡筋做褲頭既褲，痛，某程度上都可能係條褲勒得你太緊所致。

唔洗太驚既，你肯醫就實醫到既。

睪丸脹痛 醫治從肝入手 當然是看中醫