到底日本戰國系邊個統一戰國?

一般定義黎講,戰國係由桶狹間之戰開始直到德川幕府既建立為止,就算豐巨秀吉死左之後都未叫做統一,直到大陂夏之陣豐臣家被滅先叫統一,咁樣講既話唔係由德川統一係邊個?
豐臣所謂既統一係包含左好多人同佢同盟,屬於暫時性既和平,德川既逆襲已經係一個例子,未有真正既和平既情況之下,根本唔算統一!

相反,德川幕府維持左二百幾年,天下大名都係臣屬於佢,後來維新派受天皇號召而起打敗左幕府,但係係幕府既統治之下絕對係真正既和平,亦即係話幕府係真正統一日本既勢力,所以日本戰國係由德川家康統一。

題外話,日本成日話戰國三大偉人係信長,秀吉同德川,因為佢地係統一戰國上作出左巨大貢獻,德川係最後一個,係呢個層面上睇都係德川統一戰國啦...

2009-05-30 09:22:22 補充：
仲有,回樓上,德川唔算係秀吉既下屬,個陣時豐臣同德川係有高低之分既同盟,豐臣在上德川在下,同清州同盟(織田+德川)好相似,德川之所以同豐臣同盟係唔算消耗太多實力,係佢地兩個同盟之戰打個場小牧長久手之戰係由德川獲勝,豐臣根本冇足夠既能力head住德川,咁仲點叫德川係豐臣既下屬?

2009-05-30 18:48:56 補充：
樓上,依家好似係講緊統一戰國,如果照你咁講,信長一早統一左啦,佢做太政大臣,從一位,個陣時冇大名係關白,咁你話係唔係信長統一?我只能話信長出左好大貢獻,但唔係佢統一。
知唔知日本三大偉人係邊三個?信長+秀吉+德川,點解佢地係偉人?因為佢地係統一戰國做左好大貢獻,德川係最後一個,最後埋單個個都係佢,唔係佢統一係邊個?

2009-05-30 18:54:57 補充：
仲有你知唔知咩係「戰國」?一個國家分裂成多個國家而且處於戰亂狀態就係,我想講秀吉死左之後仲有關原之戰,都係一場大混戰,既然係咁,仲點叫「統一」?我只能話係戰國既「和平時代」,但係根本就未統一....

2009-05-31 12:31:26 補充：
我唔理你咩定義唔同,冇錯,開始既時期係有唔同定義,但係完結既定義好統一,就係「德川統一」!呢個定義係必定,無論話幾時開始都好,戰國既完結一定係「德川統一」,所以戰國根本唔係由豐臣秀吉統一,而係德川家康!

2009-05-31 12:32:40 補充：
仲有,江戶時代既開始就係戰國既結束~!你冇理由呢樣都唔知呀??

江戶時代係由德川幕府建立計起,點講都係德川統一戰國。

2009-05-31 15:27:04 補充：
我當然知「戰國」唔係正史用字,所以我係上面一早有解釋何為「戰國」,你扮睇唔到又好,真係睇唔到又好,我都再copy上面一次俾你睇;
「咩係「戰國」?一個國家分裂成多個國家而且處於戰亂狀態就係,我想講秀吉死左之後仲有關原之戰,都係一場大混戰,既然係咁,仲點叫「統一」?我只能話係戰國既「和平時代」,但係根本就未統一.... 」

幕府統一之後基本上再冇戰爭,而且又一個強大既勢力統御各國,係呢個時候戰國已經統一;
調番轉頭,豐臣只不過係名義上統一,好多人同豐臣家都係同盟,前田利家係一個例子,而且秀吉一死就立刻可以分成兩派跟住係到開片,咁樣當然唔係統一啦

2009-05-31 15:35:31 補充：
德川係武田家被滅之前係一直冇咩行動,因為「三方原之戰」既陰影,到左武田被滅就已經係差不多秀吉「制霸」日本,你要記住,信長同秀吉都係「制霸」日本而已;。一路上德川係統一戰國都冇咩貢獻,佢唯一既貢獻就係秀吉一死就同石田三成開拖跟住統一日本,佢先係「統一」戰國個個。如果秀吉真係「統一」左日本既話德川仲有咩可以「統一」?咁佢仲點做「三大偉人」?你要記住秀吉德川都係同代人,所以根本唔存在話豐臣統一左之後德川再贏返,因為根本豐臣都未可以連同勢力完全臣服,咁樣仲點叫統一??

豐臣秀吉頂多話係「形式」上「統一」,因為基本和平,但係前田家同埋好幾個家都係同豐臣家同盟而已,佢地係冇主從關係,根本就唔係統一。

2009-05-31 21:04:08 補充：
回樓下,係勢力層面黎講的確未曾統一,直至明治,但係「戰國」兩字黎講,德川幕府既建立,停止左戰國亂世閎戰爭,係「統一戰國黎講,德川絕對就係統一個個。

樓上兩位都是高手，令人眼界大開。不過，以在下的愚見，認為戰國開打後，嚴格地來說，日本並沒有再次統一，直至明治時期的廢藩置縣為止。
原因是德川成為征夷大將軍以後，仍是實行幕藩體制。那就是說，其他的藩閥繼續存在，祇不過他們都要向幕府大將軍俯首稱藩，忍氣吞聲而已。因此，德川時期，日本仍是個分裂的國家。
事實證明，經孝明及明治時期，日本雄藩最終推翻德川幕府，以明治政府的名義重新統一日本。

簡單黎講就係羽柴秀吉統一戰國，而德川家康只不過係係羽柴秀吉死後叛變，殺左羽柴秀吉既仔之後取代左佢成為大將軍。

2009-05-29 22:42:15 補充：
德川家康係羽柴秀吉既下屬。

2009-05-30 16:08:31 補充：
回下面....羽柴秀吉任關白一職，地位僅比天皇低，所以德川家康名義上係佢下屬，就如羽柴秀吉名義上係天皇既下屬。

2009-05-30 16:14:25 補充：
另外德川家康是從屬於羽柴秀吉的，這樣也不算下屬嗎???

2009-05-30 16:27:20 補充：
回下面...戰國既定義是指由應仁之亂之後既時間，但係結束既時間是有很多講法的。所以我同你既講法都係冇錯，SO唔好成日針住我講D野。不過唔係你咁講起我都唔記得左戰國時代既定義係有很多講法。

2009-05-30 16:30:51 補充：
說法有:
戰國時代的起始一般以1467年的應仁之亂為主，但結束時間則大致上有以下幾種說法：

1. 1568年織田信長上洛(進入京都)成功。
2. 1573年織田信長攻陷二條御所，室町幕府滅亡。
3. 1590年豐臣秀吉消滅關東地方的後北條氏，降伏東北地方各大名，完成日本大致上的統一。
4. 1603年德川家康創立江戶幕府。
5. 1615年德川家康於大坂夏之陣打敗豐臣秀賴，豐臣氏滅亡。

2009-05-30 16:31:48 補充：
秀吉將他的生母大政所送往岡崎城作為人質之後，家康決意臣從，10月26日到達大坂城，27日正式從屬豐臣秀吉。

2009-05-31 00:13:00 補充：
你都係唔明= = 我既意思係話我地對戰國既定義唔同，所以答案唔同。因此以大家對戰國既定義來說，我地既答案都係冇錯.....同埋大家都係討論啫，唔使咁講野掛....

2009-05-31 00:22:21 補充：
戰國唔係指一個國家分裂成多個國家而且處於戰亂狀態。戰國係一個歷史名詞，對於日本史是指南北朝時代同安土桃山時代之間既時間，而對於中國史則是指秦、楚、韓、趙、魏、齊、燕並立既時間。

仲有戰國係正史入面係冇明確指出是那一段，只是一個摡括。
正史

南北朝時代 1336–1392
戰國就係指呢二個時期中間
安土桃山時代 1568–1603

2009-05-31 13:12:45 補充：
算,,,你岩啦............不過戰國真係唔係正史用詞- -...同埋做人唔好咁「求奇」，所有野定會因定義唔同而有唔同解釋，你只不過係用你既定義黎SEE我個答案，所以你先覺得我錯，我用我既定義夠覺得你錯......
仲有江戶時代既開始係安土桃山時代既結束，而唔係戰國<--正史
不過用你個定義黎講你都冇錯