倉鼠生BB

A.唔好用布蓋住個籠,亦唔好俾布俾鼠b,原因如下:1)如果係通風式既籠,鼠鼠會接觸到毛巾,鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
2)放毛巾去阻擋光線,會令鼠鼠對日夜分唔清,咁會令鼠鼠身體產生混亂,失眠,情緒出現問題等負面影響
3)毛巾一時放一時唔放,就好似不斷去改變鼠鼠既生活環境,一樣易令鼠鼠不安
4)而家天氣唔係好凍,唔需要特別既野去保暖,除非鼠籠位置凍過剩好多,太凍可用鼠棉

B.鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既;同時可俾鼠食既魚乾俾鼠媽食,但在鼠B出唻食野前就要收起
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

其實鼠鼠最好分籠,繁殖鼠鼠會有好多問題,希望你可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可以會見到食b既情況

C.有冇將鼠爸分籠?生b一定要將鼠爸分籠,如果已經分籠,鼠爸去到新籠未習慣都唔出奇,加上鼠媽生b前情緒會較緊張,而鼠鼠天生係獨居動物,唔慣同第隻鼠一齊住,咁就好易會蝦鼠爸,令鼠爸不安;如果仲未分籠,當然會更不安
將鼠爸分籠後,仔細檢查佢既身體及排泄物有冇異常,檢查外就唔好打擾佢,俾多d時間佢習慣一下

2009-05-29 23:53:29 補充：
鼠媽生b係好辛苦既事,加上荷爾蒙變化既影響,會令鼠媽感到好大壓力,咬籠狂抓都唔出奇,但你去餵鼠媽食野,仲將鼠媽鼠b運去第個籠(呢個做法係十分危險,唔係用膠手套就冇問題)咁會令鼠媽情緒更加不定,增加鼠b死亡既風險,除左要做基本既野,唔好打擾佢地,係對鼠媽最大既幫助
同埋唔好俾爆谷俾鼠鼠食,亂食野會影響鼠鼠既內臟及容易過肥,好多疾病都由肥胖所誘發,而對內臟既影響好多時都唔係咁快被發現,往往被人忽略呢個問題,唔建議食零食及食野有關既問題可參考:
http://hk.knowledge.yahoo.com/question?qid=7009011000385

2009-05-29 23:53:48 補充：
如之前所講,鼠鼠天生係獨居動物,唔慣同第隻鼠一齊住,咁就好易會蝦鼠爸,令鼠爸不安,加上,忽然多左鼠b,忽然又有人伸手入籠搬鼠b,整唻整去,都會令鼠鼠不安既