買樂悠居, 立坊 VS 海欣花園好?

H-CUBE:
呢個盤單位面積比較細,用黎炒或者長線收租就唔錯,自住我就覺得一般.會所唔大,無乜野玩.而且層數唔高,景觀麻麻,就算高層望前排海景,多多少少都會望到墳場.間隔四正,但實用率唔高.
樂悠居:
間隔一般啦,以新樓計算係四正實用,但一層有成20伙,真係似酒店多過似住宅,唔係個個客都接受.用料我覺得麻麻,當日收樓時我有客搵發展商投訴要執漏,前前後後都搞o左成個幾兩個月,可想而知質素有幾差...成交量算多,因為面積適中,呎價亦比爵悅庭低,自住及投資都有捧場客.
海欣:
環境唔錯,自成一角,夠靜.但望海景單位或多或少都要望墳場...用料幾好,保安亦做得幾足,嚴密到有時連我地agent睇樓都覺得麻煩,哈哈.但間隔真係好差,除498呎細單位係全屋四正外,絕大部分單位都有鑽石形位置,三尖八角,傢私好難擺位.行去MTR唔係太遠,10分鐘左右,可以接受,但沿途無摭無擋,日曬雨淋.
希望幫到你啦!

多謝您的解答!