派糖是否代表政府無能力改善失業率大升?

派糖比市民當然係代表無能力去改善失業率大升的其中一個原因, 而另外一個原因, 就係市民已經陷入民不聊生的環境, 隻持首曾蔭權剩係識得照顧大陸D地震災民, 捐咗100億比佢地, 却不理香港市民死活, 攬住庫房D錢比佢用嚟做佢鍾意做嘅野, 例如起多幾個魚池, 用嚟養多幾缸錦鯉同最好養埋大白鯊, 去旺佢間大宅[禮賓府], 用市民擺係庫房D錢, 買魚糧餵佢嘅一生至愛嘅錦鯉. 又或者用嚟請多幾個連英文都唔識多個嘅政治助理, 一有閃失要問佢責, 咪又多幾個幫佢頂住D個塲, 大家一齊出嚟話[我哋係集體負責], 咁咪又甩難囉~!
而家比社民連三位議員長毛梁國雄、黃毓民、陳偉業大鬧佢無良, 一味剩係識得自己亂花庫房D錢, 唔識得照顧香港市民, 咁佢咪係咁依比小小[黯口費]比番香港人囉~! 個D雞碎咁多嘅錢, 夠買糖又唔夠買鹽, 比起大陸人個100億元, 香港就簡直係小巫見大巫, 比起澳門人, 佢嘅特首何厚樺每個人派五千元現金, 香港人就無得比喇~! 唉~! 啱啱宣報減兩季差餉, 唔係減一年差餉, 細眉細眼簡直係當我哋係乞兒, 分開嚟續D比香港人, 我估隻曾蔭權奉行個套格言就係[唔好比D香港人食得咁飽同豐富, 唔係班香港人就會作反架嘞]~! 身為香港人真係可悲囉~!

2009-05-29 13:17:27 補充：
香港人一生都為高地價政策捱貴租, 用大半生人努力工作薪金三份一, 去供自己居住個間屋, 受益人是誰呢? 當然第一個係政府、第二個就係地產商, 第三個就係銀行. 第一個係政府: 高地價政策拍賣土地, 賣貴地比地產商, 然後無良地產商用好差建築材料起樓, 本錢小小, 賣極高價錢謀取暴利, 政府部門官商勾結, 就算建築材料唔合格的樓宇, 都照批入伙紙.

2009-05-29 13:28:15 補充：
第二個係地產商: 用唔合格平價建築材料去起樓宇, 高價賣比D想安居樂業的市民, 謀取暴利發橫財, 當然部份橫財要比順利通過簽入伙紙D政府部門, 關埋門一家親, 黑箱作業, 官商勾結, 齊齊發橫財.第三係銀行: 收取市民 4厘或 5厘高利息, 亦係謀取暴利, 可憐的供樓市民, 窮一生捱苦努力賺錢去供樓, 係為這幾個謀取暴利的機構捱到 [金睛火眼] 架咋~! 所以罪魁禍首的政府, D香港最高領導人曾蔭權、唐英年、曾俊華係好應該係市民捱緊窮嘅時候, 比番 D佢地納咗貴地價、地產商謀取的暴利、銀行所收取的高利息, 比市民舒緩目前環境正在最困難的時候, 而唔係細眉細眼的兩個月免交差餉.

2009-06-01 13:04:25 補充：
至於免交稅就正一係廢話, 個個市民都失業, 無工做失業的市民數十萬人, 佢地根本就係已經唔駛納稅, 剩係個班高官低能官要納稅, 而家搞個唔駛納稅嘅計劃, 其實係為班政府公務員高官低能官度身訂造, 等佢地唔駛納稅架咋~! 包括埋佢自己都係得益者, 個隻曾俊華當D香港市民係白癡, 唔識聽嘅市民以為佢有幾樣舒解民困嘅計劃, 其實係無一樣可以舒解民困嘅~! 只係用D呃神騙鬼嘅手段, 細眉細眼嘅派糖技倆呃市民架咋~!

失業率大升的原因最主要都是由於經濟差,所以很多公司開源節流,裁減一部份不太需要的員工,以便節省成本!政府派糖的原因不但只是由於失業率的上升,而且是因為香港的經濟下滑!現在的情況是,不只是失業的人多左,而且在職的人都被減薪,大部份的家庭的收入也顯著下滑,在加上前景不明朗,經濟沒咩增長,所以政府推出派糖措施,以便紓解民困!