點樣先知道一個人有冇講大話呢?
2009-05-28 4:29 pm
我男朋友尋曰忽然同我講今晚約左公司D同事去酒吧睇波~ 咁我見佢咁尊重我同我講一聲~ 我緊係應承比佢去啦~ o個曰場波應該踢到凌晨4點就完ga啦~ 咁我o個晚凌晨3點咪打個電話比佢睇下佢點羅~ 點知我打左半個鐘都唔聽我電話喎~終於3:38am佢終於都肯聽我電話~佢話走左會打比我~咁我就放心訓啦~咁之後我諗到仲有野想問佢~想再打電話比佢佢又再次唔聽我電話~第二次打比佢我都打左20分鐘丫~ 後來我等到6:30am再打比佢佢終於都有聽我電話~我問佢點解唔聽我電話~ 佢話飲大左聽唔到~咁我覺得我第一同第二次打比佢d時間其實好相近咁點解第一次聽到第二次會聽唔到丫~ 我覺得佢講大話~ 我好想知道佢o個晚做過d咩~ 有d咩盤問o既技巧可以問到真相呢~ 唔該各位幫我諗下丫~ 謝謝~
回答 (3)
2009-05-29 2:39 am
✔ 最佳答案
如果佢同你解釋,你唔信佢的話,只有幾種情況情況一
佢第一次聽你嘅電話,剛剛開始飲酒,仲未開始醉,到你第二次打
比佢個時,隔咗咁耐,佢都可能已經飲咗唔少酒啦,所以先聽唔到
你嘅電話.
情況二
佢話就話同你講去睇比賽,其實可能去同人哋去蒲,唔想你知佢
去邊度.
情況三
佢去嘅地方,唔可以被你知道,例如係佢個時或者係其他女仔一
齊.
你同佢做男女朋友,一定都會識得彼此的一些fd你可以像從佢fd
入手,搵下你bf嘅電話記錄,私下約佢哋出黎,問下佢哋某月某日
做咗d咩,跟著搵下平日出街/上班用嘅袋,會否有一些送比女性嘅
東西或者係買咗一些新的東西擺係佢個袋,之後問下佢有關個
日,佢去咗邊,做咗d咩野等等,問個時留意佢嘅眼神同表情,會否
有一些異常的地方,例如不停擺動身體、眼睛猛咁望左望右、你
靠近佢個身時,佢就東閃西挪、不停玩手指等等
2009-05-29 8:11 am
尋晚果場波好似踢完都4點半到,其實你有冇去過d酒吧度睇過波,,,係真係好嘈架,聽唔到電話響一d都唔出奇,除非佢一直搵手拎住部電話囉
其實點解男朋友冇聽到你電話你就覺得佢呃你呢,你同佢一齊好冇安全感??如果係咁我覺得唔需要技巧去問,你技巧性去問佢咪技巧性咁答你囉,冇意思架,你就直接話佢知我覺得你呃我,睇下佢講d咩可以令你信佢......
其實點解男朋友冇聽到你電話你就覺得佢呃你呢,你同佢一齊好冇安全感??如果係咁我覺得唔需要技巧去問,你技巧性去問佢咪技巧性咁答你囉,冇意思架,你就直接話佢知我覺得你呃我,睇下佢講d咩可以令你信佢......
2009-05-28 4:53 pm
望去右係講真，望左係講假
收錄日期: 2021-04-19 14:25:08
原文連結 [永久失效]:
https://hk.answers.yahoo.com/question/index?qid=20090528000051KK00248