✔ 最佳答案
首先,唔好理每個人優點缺點先~你諗下,如果一個人無缺點,做野主動又快夾準,而另一個又懶又縮骨(但係佢係識做,只係唔會自動自覺做),咁你係咪會比晒d野主動個人做呢?而比d簡單野個懶人做呢?咁樣就唔得囉~
我覺得身為一個主管,一定要公平咁對待每一個下屬囉!問心,遇著上述問題,好多主管都情願叫個主動又勤力的人去做……
長始下去,懶的人只會越懶,主動又勤力的人只會做到死~
你話,做到死的人,一次無怨言、兩次無怨言,但係以後會唔會都係無怨言呢?心裡一定好難受喇~甚至付會辭職添!
大家開心的方法就係平均分配每個人的工作,唔好因為有d能力有問題的人而比佢地做d筍位~如果真係要比d能力唔得的人做簡單野,就一定要反影係人工方面,無理由做d艱苦野同做d簡單野係一樣人工架嘛~你話係咪先?
另外,你話你d下屬不滿你……其實呢個都係好正常現象,自古以來,有幾多個下屬係真心誠服咁佩服上司丫~
想要同下屬保持良好關係,一,不可以太過親密,二,做一個向外有承擔有責任的上司,三,客觀地按表現,公平地對每個下屬作出評價……其他方面,佢地要不滿你都無辦法咯!