鄰居..虐兒? 唔知應該點做

依家電腦時間23:52

差唔多日日, 都會聽到對面有細路比人趕出門口
喊哂咁叫: 媽咪, 媽咪, 媽咪呀..嗚, 媽咪..

對面一家幾口, 2位老人家, 一對夫婦同1仔1女
2個細路大概都係5歲以下(我諗3-4歲左右)

有時個媽咪心情好時, 會同佢地係走廊玩, 帶佢地落街
有時放工返黎撞見佢地都無乜事..好開心


多數係屋企時間都係6點後
但, 6點後, 我接近差唔多日日, 係差唔多日日, 都聽到對面個女人趕個細路出街, 有時係仔, 有時係女

岩岩, 11點後, 我聽到個仔又比人趕左出門
因為都夜晚, 就算關埋房門, 都聽得好清楚
好慘

又無人阻止個女人咁做
老人家唔出聲, 男人唔出聲
除左趕出街, 鬧都係聽得最多
無留意佢鬧乜, 淨係知好嘈好煩
扯哂喉嚨起勢鬧
通常鬧完, 就比人趕出街=_= 痴線

可以聽得出個女人一d心痛都無..
之後仲係等lift個度繼續鬧..叫佢收聲-_-

頭先係度諗, 報警?
但..對面鄰居, 報警唔方便..
加上佢無打過仔女( 起碼我無見過, 無聽過d類似打鬧聲)
可能無乜用

定上社署搵人跟?
但唔知應該點做

有無人救下呢2個小朋友?



P.S. 其實留意到, 都己經好幾個月了
可能以前都有, 但仲細個掛..所以少
但依家真係好密下

個女人內地人黎的

我有懷疑過佢係咪精神有問題
定其實又係悲劇.. 黎到但適應唔到香港個環境

..
因為之前一直都係覺得好煩
覺得個女人好唔應該..
但之前放佢地出走廊時間唔會話好耐
都好快比佢地入返屋
但今日真係好過份
小朋友咁夜未訓己經唔應該(- -")
仲要鬧, 仲要搞到喊哂,,好淒涼囉..

所以, 岩岩錄起左一段錄音
同埋之後都會繼續留意&錄音..
希望到時社署可以幫到手啦..