法律的問題(犯法)？

如果係咁做既話,個個人有機會觸犯左盜竊罪,原因就係,根據合同法一個基本既原則,店舖放貨品出黎賣唔係一個offer,而係invitation to treat,唔明唔緊要,即係話你去鋪頭,拎起左任何野,即使你肯俾個價錢牌上既價錢都好,係你未去counter俾錢之前,件貨都唔係你既,即係話店鋪負責人係你俾錢之前佢都有權選擇唔賣件貨物俾你.
即係話,係俾錢之前冇得到店主同意而擅自換左包裝內既貨物,即使價錢一樣,都係犯法.嚴重既可能觸犯埋詐騙罪,因為個人係係店主唔知情既情況下將貨物交換,情況就好似將價錢牌擅自掉換一樣.
盜竊罪既定義:如任何人不誠實地挪佔屬於另一人的財產，意圖永久地剝奪該另一人的財產，即屬犯盜竊罪
而根據盜竊罪之中,挪佔既原則:任何人行使擁有人的權利，即相當於作出挪佔行為，此包括他並非藉偷竊而(不論是否不知情地)獲得財產，但其後卻就該財產行使權利，以擁有人身分保有或處理該財產。
你所講既行為係行使左擁有者既權利(未取得同意之下掉換包裝內貨物),而個個人即使唔係藉偷竊而取得個盒筆,而最後就該財產行使權利(送俾人或自己用都算係),同埋以擁有者身份保有或處利該財產(自己keep住,丟左佢,燒左佢或者送俾人都算).
關於:任何人以欺騙手段(不論該欺騙手段是否唯一或主要誘因)而不誠實地取得屬於另一人的財產，意圖永久地剝奪該另一人的財產，即屬犯罪，循公訴程序定罪後，可處監禁10年。呢個唔多作解釋喇...因為好長好長...
盜竊同以欺騙手段取得財產以欺騙手段取得財產刑罰最高可以去到10年
不過呢個問題真係可以拎去做assignment...因為都幾具爭議性,係一個好問題黎..不過我答唔哂,同埋可能有錯漏,希望有人可以指點下.
雖然咁講好似好嚴重,不過呢個係最高既刑罰,而通常呢d情況下店主都應該唔會介意既,就算要告最多都會係守行為(如初犯),罰款或者短期既監禁.
希望解答到你啦^^

2009-05-27 10:42:28 補充：
唔會証明唔到冇意圖啦,佢唔想要個盒入面既筆,意圖換做第二隻色既筆,而去永久擁有d筆,已經係意圖黎==
佢換筆冇同店主講過(dishonestly),未經店主同意之下掉換左包裝內既貨物(appropriates property belonging to other),意圖永久擁有該貨物(permenantly).
即係佢買個合筆個時已經疏忽咁令到店主以為盒筆係同佢擺出黎個時一樣,從而欺騙左個店主.

2個候選答案也可以。
希望各位投下神聖的一票。

感謝各位網友的贊助/回答/意見。

答案好簡單. 果個人已經犯咗盜竊罪. 準確 d 嚟講, 係盜竊咗支紫色顏色筆.
根據香港法例第210章盜竊罪條例第2(1)條 – 如任何人不誠實地挪佔屬於另一人的財產, 意圖永久地剝奪該另一人的財產, 即屬犯盜竊罪.
呢條罪要定罪有3個因素: 不誠實 / 挪佔屬於另一人的財產 / 永久地剝奪該另一人的財產. 佢換咗支筆再去俾錢, 然後帶走支筆, 就已經係 "挪佔屬於另一人的財產 (appropriation)" 及 "永久地剝奪該另一人的財產" . 而不誠實的定義, 係一個正常人會否覺得是不誠實. 好明顯, 佢在未有店主同意下, 私自換咗支筆, 已經係不誠實.
而盜竊罪條例中嘅第3(2)條亦指明 - 任何人挪佔屬於另一人的財產, 即使他願意就該財產支付代價, 亦可以是不誠實的. 即係佢俾錢都唔代表佢無犯法.
所以基本上, 佢犯盜竊罪嘅所有因素已經成立.
Eg. 2 嘅情况一樣, 在此不贅.
至於處罰, 咁輕微, 通常罰款㗎啫.
咁 detail嘅案例, 真係有排揾. 揾到e俾你啦.

要睇下百貨公司係包裝上/貨架上有冇明文規定,唔俾你咁做,否則應該無犯法.

不過,都是比較建議你問啲售貨員俾唔俾你咁做.

法律的問題(犯法)？
以下情況是否犯法？
犯法的話，刑罰為？

例如：
去百貨公司購買顏色筆，由於一包包的關係。
如，有24支，唔要黑色，換紫色
之後去給錢。

不是顏色筆的話，如果買一包包D禮品包。
佢每包包唔同色的原子筆，(但同一牌子，唔同色，正價一樣)
換的話，又會罰幾多？

我之前見過有人咁做。

早幾日係AM730有四格漫畫，但佢係講笑，完全冇話咩法律LO。----------------------絕對無犯法

絕對無犯法，因為事實上無辦法証實你有盜竊罪的意圖。

但你咁做，店對有權要求你換番d筆，並有權要求你離開。

亦有可能，民事追究