我應唔應該表白??

妳是否肯定表白之後一定會被拒絕？還是妳知道他有女朋友，所以覺得妳自己再無機會？還是他一早表態對你沒意思？現在無？將來都會無？

愛情是要自己爭取的，既然鐘意，何不主動一點？是覺得他的女朋友條件比妳優勝得多？還是有別的原因？

妳要知道，一生中遇到自己所愛非易事，試過就算唔成功都算對自己有交代，連試都不敢試就有機會錯失良緣，好好想一想吧！

而且，只是妳鐘意佢，妳都無做出傷害他的事，就算他真的不喜歡你，我相信唔會因為咁而變得面阻阻！

咁煩做咩 有女朋友又5係有老婆 佢地會有散的一日ka嘛
咪睇下你等5等到囉

唔............我唔知佢係邊個國家O既人
但就算再保守O既國家
就咁睇
佢好鐘意您O既機會唔係太高
充其量
最多都係對您稍有好感
呢個係身為男仔O既意見
至於應唔應該表白
咁我就想問
到底您知唔知自己到底為O左乜O野去表白?
首先
您去表白
將會出現三個情況
一係
就係佢會同佢女友分手
同您一齊
但老實講
會達到呢個結果O既機會微乎其微
因為佢都係O岩O岩先同佢女友一齊
我相信佢本人就算幾鐘意您
都唔會接受到自己尋日先講要I LOVE YOU
今日就同人講分手
就算佢做得出
我勸您都要諗o下law
第二個
就係佢無當面拒絕您
尤其是愈有經驗o既人
就愈會咁樣做
尤其是外國人
但呢個都唔係最大機會發生o既一個
最有可能o既結果係
您地可能會拖拖拉拉
好一段日子
而作為第三者o既您
就要負責去遷就另一個
而且您地o既關係
每次見面o既內容
性都會變成幾近例行工事
我咁樣講唔係嚇您
我見過太多呢o的情況
而且自己亦都親身試過類似情況
您同佢唔可以用正常o既方式相處
再加上連討論未來都會變得奇怪
咁剩底去維持一段關係
就會不由自主咁去到性果一方面
我相信咁樣o既一段關係唔係您想要o既
大多數男性當面對女性突如其來o既表白o既時侯
都會顯得手足無措
唔識點樣反應
尤其是當佢對您都有好感
哪怕只係一點
都令佢進退失據
大多數呢o的情況之下o既男性
以對方係一個好o既男仔o黎講
如果稍有經驗
會一口拒絕
但如果比較無經驗
就會答得好模棱兩可
既唔會親口承認自己鐘意您
亦唔會否認
仲會o向言談間令您認為佢鐘意您
但事實上
您事後諗返
佢跟本無親口承認過
好聽o的講
佢只係順住您o既意思講
唔想令您難過
唔好聽o既
其實
佢只係想爭取多少少時間去考慮
應該點樣做
呢個唔單止係我自己會咁樣做
我身邊有好幾個男孩子都遇到過類似情況
而做出了同樣o既事
所以
如果您問我意見
我會勸您唔好
但我知道勸您係無用
所以
如果您真係想表白
就要小心出現頭先果種情況
佢o既回答
一定要肯定而有力
無論您幾鐘意佢都好
如果佢真係鐘意您
佢多數會先一口拒絕
之後等佢同佢女友搞清楚
先會再重新追您
您話您怕表o左白之後
大家會面左左
其實
有問題果個唔係佢
係您自己
而如果您真係鐘意佢
又何苦o向呢個時侯仲俾o的咁o既煩惱佢呢?
呢個世界無所謂真命天子
燈泡亦唔係一定要由愛廸生發明
呢個世界之所以有燈泡
係因為人類需要燈泡
只係咁o岩愛廸生發明o左
希望對您有幫助啦!

你知道表白係衰硬. 就不如唔好講啦!


同你一齊擔傘只是隨意, 沒有什麼特別意思,

車你返屋企只是對方關心朋友.

佢曾經同你講過以後要搵hk女仔做佢既gf or wife, 如果你再次聽他講這番說話, 你就同佢表白 (我以後找男朋友或老公要好似你咁,其實我都幾欣賞你呀!!!

佢真係好彩.......你既然都說到"做唔到一世唔同佢講",

即係你心中其實都有答案了吧.

不過佢有女朋友的話, 你也不用急着表白吧.

反正說了也不會有很大幫助.

等時機比較好時再說也行.

甚麼是時機比較好?

當佢都對你有點好感的時候.

話你知啦, 基本上男仔係多情的 (真衰...).

只是你要明白, 就算表白咗,

也不一定有甚麼用就是了......