有關倉鼠耳後甩毛.

樓上wing993部份講法唔同意,希望網友唔好介意及可留意一下:多d沖涼並唔可以預防皮膚病,沖太多會令抵抗力下降,反而易患皮膚病,在鼠鼠冇皮膚病既情況下,同鼠鼠用沖涼粉沖涼,一星期一次,太熱最多兩次

1.耳背既毛一向比較疏,一定要留意清楚真係甩毛定係正常情況;如果真係甩毛,又會唔會有好似甩皮咁呢?耳背較易會有甩皮既問題,甩皮既話就係有蝨再受感染形成
皮膚病原因主要可能係蝨,衛生唔好,,年老,鼠鼠感到壓力,例如一籠唔止一隻鼠,受驚,籠既環境有危險之類

2.如果甩毛甩到見肉or抓損自己,冇其他病徵,咁就可能係皮膚病了,一般皮膚病好少會致命既,唔洗太擔心,但都要留意下有D情況都會甩毛,如果係以下既情況就要有唔同既處理:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒or較硬,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷
4)肚瀉or便秘會較多菌,易令肚or尾部一帶甩毛

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,草同木糠會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後搽藥皮膚病既藥水(太近耳唔可以噴,以用棉花棒同鼠鼠搽藥),藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而整到鼠鼠既眼耳口鼻
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)唔好用有色or有味既木糠同沖涼粉,因為呢d都好易令鼠鼠皮膚敏感,敏感嚴重起唻係會致命既
7)當然可以直接帶佢睇醫生啦.(如直接睇醫生,以上用藥既做法請略去),鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

3.如果只係用藥用沖涼粉,效果唔係咁好,連同皮膚病藥水會好D,一般鼠店都可以買到
下圖右邊就係我既鼠用開(左邊係藥性沖涼粉,有皮膚病先用)

圖片參考：http://i176.photobucket.com/albums/w162/kelvin320/080804-1.jpg



4.預防皮膚病既方法:
1)沖涼
一星期同鼠鼠沖一次涼,太熱就一星期沖兩次,記得係要用沖涼粉,唔可以用水
2)勤清潔
多d打掃個籠同鼠鼠既用品,保持乾爽清潔,間中可以用動物專用既消毒劑同鼠鼠既用品消毒
3)食物控制
唔好亂俾野鼠鼠食,人既食物更加係唔適合鼠鼠,一般只係食混合糧及草已經ok,不過如果有病or懷孕,可能就要接受一d其他既食物,例如白麵包,奶粉沖既奶等,視情況而定.
4)檢查鼠糧及乾草
鼠糧及乾草好易會有寄生體,所以俾鼠鼠食之前一定要檢查清楚,開左口一定要密封好,當然買既時候都檢查一次,食之前又再檢查係最好啦,我試過買一包返唻,買既時候有睇,點知一拆問,成包都有d野郁下郁下,但唔細心睇,係未必見到既.
5)避免二手煙
如果鼠鼠食得二手煙多,係會較大機會生皮膚癌
6)避免亂倫or畸形
亂倫等問題都會令鼠鼠較易有皮膚病同皮膚既腫瘤.有d鼠鼠毛色特別,其實已經可能係畸形而毛色特別,揀既時候都要留意一下.
7)有病常消毒
如果發現鼠鼠有咩病係多細菌,特別係肚瀉,血尿等排泄物異常,就要多d用動物專用既消毒劑同鼠鼠既用品消毒多d,嚴重既2,3日要消毒,唔係太嚴重就可以耐少少.呢d排泄物既細菌,好易令鼠鼠既皮膚受到真菌既感染

你最好問醫生啦!醫生係最專業,能夠準確咁答到你,我地唔可以亂答覆你,怕害左你隻倉鼠!! 真的不好意思!

倉鼠的疾病

皮膚病
倉鼠係好乾淨的小動物, 每日都自己同自己沖幾次涼架! 但係一但環境比較污漕或潮濕, 佢地就會甩毛或有皮膚病. 但係唔駛太擔心, 因為皮膚病大都唔會致命, 只會令到隻倉鼠滿佈細菌, 皮膚紅腫, 一d都唔可愛!

( 特徵 )
1. 甩毛
2. 見到紅色的肉

預防方法
1. 多d用沖涼沙同佢地沖涼
2. 保持環境乾爽
3. 俾多d有益的食物佢地

醫病方法
1. 噴皮膚水(倉鼠店有售)
2. 改用沖涼藥粉(倉鼠店有售)


皮膚疾病

A. 毛囊蟲症 (寄生蟲性皮膚炎)
原因 : 寄生在倉鼠身上既毛囊蟲，會因皮膚免疫力衰退而發病。
症狀 : 如果是熊仔鼠，會由腰部到臀部之間脫毛，引起發炎既症狀，如果係小型倉鼠，會由頸部至背部之間脫毛，而且會不停抓癢。
預防及治療 : 睇獸醫用注射及搽藥，殺死寄生在鼠鼠身上既毛囊蟲。

B. 過敏性皮膚病
原因 : 對某些墊材，例如柏木、松木或某些食物過敏。
症狀 : 四肢、腹部、胸部、側腹等大範圍面積，有輕微甩毛，並且有出疹現象。
預防及治療 : 要搵出過敏原因，並需服用抗敏感藥。

C. 營養性皮膚病
原因 : 鼠鼠飼料含蛋白質比例，經常不到百份之十六。
症狀 : 容易甩毛，尤其四肢及面部。
預防及治療 : 改善鼠糧，增加礦物質及維他命。