梅窩有咩玩?

梅窩 ?
情侶的話去住一晚 海邊的屋 ^^ 看日出 & 日落...
晚上去海邊的大排當吃晚飯吧 , 我咁大個人 覺得最好吃的大排當就是這一間 !!! ( 我最愛他們的 炒蜆 )
環境完全正啦 , 沒有蚊子 , 又靜... 老板又好人 , 仲有海浪聲.....
食完飯行沙灘... 真是超級浪漫 !!!

巴士站有車直上去 "寶蓮寺" , 也是必去的地方... 求神問卜 間因緣....? 也ok !

早上可以去一去 大澳 , 看一看大澳的天空 ^^ 哈哈 !!!
d風景 空氣 真是好些的 ! ( 有巴士入去的 )

^^"|

首先去梅窩你一定要知到幾時果班係快船~因為慢船要45-60分鐘先到~快船就30分鐘左右就到

梅窩係個好好玩既地方~佢好寧靜~好舒服~

1. 佢有個好正既沙灘,因為個沙灘好淺水,行出小小d泥好軟淋淋,當你赤腳行出去,d泥會啜住你隻腳,同埋d泥會係你d腳指同腳指之間必出黎,好鬼過引~

如果帶對白布鞋去~仲可以掘蜆(有半隻手咁大)~個鏟梅窩個有得買

2. 踏單車可以去一間叫老友記租~租車唔係太貴~但係好有用(建議租三輪車,150蚊24小時左右,睇落去就知點解我咁講)~但梅窩無咩地方好踏單車去~得山上的銀礦洞同個小瀑布睇~so單車用黎代步同運野~

3.釣魚梅窩都係個好地方~不過金錢方面就會大大增加~亦都好辛苦~所以唔建議你做

4. 睇星星~e樣野~就要睇你好唔好彩~睇個天幫唔幫你~我之前同我女朋友去~係沙灘一路行一路睇星星~行一陣~又坐一陣~非常浪漫~果一刻我e一生都唔會忘記~好舒服~聽住d海浪聽.........最後當然kiss收場啦~~

渡假屋無一間近碼頭~所以叫你租三輪車~但小弟有一間介紹~~叫銀景渡假屋~e間係我去哂咁多間第二好的~價錢合理雙人屋平日$250假日$350~方面~最好就係打去book左先~天台可以燒野食~三輪車又發揮作用了~~

2個人去計哂你地玩到好癲~係咁買野~$1300夠哂有凸(其實$1000都夠~預鬆d就$1300)~

入面基本係無咩好野食的~但係我都有d介紹既~m記係最後既選擇~係你落船後沿右手面行經過洗手間~垃圾場~跟住就到一個熟食市場既野~唔好落樓梯~落斜路~就係左手面第一間~佢d碟頭飯好正(芙蓉蛋飯+豉油)~唔想食飯~可以去對面馬路一間看似士多的鋪頭到食面~都幾好的~個老板娘好好人~果到係第二類既經歷黎~~