守門員如何能成功樸出對方單刀射門?前鋒如何成功處理單刀射門?

守門員應付單刀

守門員應付單刀，邊有十成把握！通常都係盡下人事，救得就救。強如當年舒米高、索夫、賓士等，成功堵截單刀的機會也低於三份之一。

師傅教落，救單刀波守門員千祈唔好第一時間衝出去，要等最佳時機。記唔記得阿仙奴對車路士足總杯準決賽，杜奧巴單刀入嗰球，法比安斯基畀人批評佢唔應該咁早出？

何謂最佳時機？若果對方波已上脚，一定要等對方入禁區，守門員唯一優勢就係可以用手，走出禁區變咗一名普通球員，而且露出空門，前鋒唔駛好脚法，是但推橫已可以射空門。無端端走出禁區等同自掘墳墓。唯一守門員可以衝出禁區的情况，就是對方質直線，前鋒走位成單刀但仍末上脚，咁如果守門員判斷他衝出禁區會比對方前鋒快到個波，就老虎蟹都衝出嚟，好似後衛咁清波。

若果自己守衛仲追得對方單刀球員好貼，除非對方單刀球員推波甩脚，否則守門員企出嚟封位就可以。

若果對方波已上脚，自己守衛又已被攞脫得老遠，咁就要等對方入禁區時出迎，出迎時要快、狠、準，千祈唔可以猶疑不決，要義無反顧及奮不顧身衝出，以大鵬展翅方式瞓身擒向對方之脚下球。須知道你緊張時對方也緊張，你來勢洶洶，對方稍一情急便可能草草一脚，或甚推波離脚，就你就得米。


前鋒處理單刀

前鋒處理單刀波就較易，波上脚後，帶波去大位(不要去死位，畀人封死)，可以趁守門員未到前輕輕挑射 (要計好力度)；或趁守門員未到加速推橫用食糊脚燙入；或用生蟲脚一「汲」，用食糊脚燙入；或用脚法或假身扭過守門員才射入。但有一招一定不能用，就是「插花」。點解？因為插花其實好嘥時間，個波又幾乎停留不動，人地守衛返哂來囉！！！

守門員如何能成功樸出對方單刀射門一定快走近對方？目的是封窄龍門令單刀受阻難射入＝＝?前鋒如何成功處理單刀射門?＝＝儘快起脚？令龍門無法封細角度。

首先係封位,走出黎等對方球員射到既位小左

守龍員捉對方球員射近柱定短柱,係對方一射果時就樸向果邊

列文自己話會扮野樸向近柱,尾腳伸直封遠柱


前鋒做法當然唔好狂抽,湯去近or遠柱,落d cruve,灣入去

第2個方法係扮射,等龍門飛左or訓低左先,要射入就好易

第3個做法係粒射...因為守龍員通常會訓低救你個波,所以粒射係一個好好既選擇,唔洗角度,過到守遽員就得