✔ 最佳答案
藍天海岸550呎的最近成交呎價約3000元 - 3300左右。
一房單位, 市場叫價大約160萬至200萬左右, 售價要視乎單位的座向和質素。
如果出租, 每月租金約6000元(全包, 差餉 及 管理費)。
如果買間 160萬,
比15%首期(24萬), (出租單位只可以按揭最高85%)
按揭 136萬,
供款 25年,
利率以年息 3厘 計(現在可低於2.5厘),
每月供款是 6646元(已包括按揭保險費)。
2009-05-24 22:19:17 補充：
如果係$6646供款，咁出租只係6000元，咁我米要蝕錢囉...咩唔係租屋目的係要收下息咩﹖﹖
你冇蝕到, 你借咗人地136萬, 每個月利息都唔駛4000蚊, 再計埋其他費用, 都仲係有賺的, 只係你自己儲咗落層樓度, 而且, 供數係本隨息減的, 年期愈長, 利息佔的部份愈少, 即供得愈多, 25年後, 成層樓(100幾萬)都供完了。
2009-05-24 22:19:41 補充：
多口問句，廿多萬就可以做業主出租俾人，似乎好多人都可以做到的事，但事實上又唔係咁多人願意咁做﹖點解呢?
買樓投資, 是一個槓桿比率的遊戲, 你比咗24萬, 但係就睇160萬的升跌, 如果升咗10%, 即係賬面賺咗16萬, 但相反, 樓價跌咗10%, 即賬面蝕咗成16萬, 如果樓市升梗, 咁緊係個個都爭住買, 但如果好似98金融風暴嗰陣時, 樓價就跌咗超過一半, 所以, 有人睇好, 有人睇淡而矣!
2009-05-24 22:20:12 補充：
如果我出廿幾萬做業主出租俾人，其實風險大唔大﹖
如果租唔出的時候你都供得起, 咁咪冇乜風險囉, 但係, 如果租唔出你就冇錢供的, 咁咪好大風險囉!
2009-05-24 22:21:18 補充：
仲有一樣野要提醒的是, 買樓收租按揭超過70%的, 按揭保險會要求要供款額要不超過收入的50%, 而租金收入都可以計算作收入, 但就需要有 合法的租約 提交, 另外, 再要有一筆資金, 該筆資金是要足夠最少6個月的供款費用。
