今晚英超邊隊會降班??????????? www

我估降班的球隊有：
18 紐卡素 Newcastle United
19 米杜士堡 Middlesbrough
20 西布朗 West Brom
不過候城如果輸被曼聯，
紐卡素而贏波，
候城就會降班。

西布郎就降硬班,冇得救!!

其餘4隊就...

第16位的「黑貓」新特蘭幾乎「黑」足全季，前帥堅尼下台，暫出現短暫的迥光照，但最後仍然落入如斯回地，近4場的對手實力一般，僅能拿下一分，只能說是咎由自取。牌面上，球隊仍有護級優勢。

今仗主場面對車路士，「黑貓」若然拿走一分，就必須祈求侯城和紐卡素雙雙敗北，皆因球隊的得失球差不及後者，有可能飲仇離開頂級舞台。藍戰士雖已毫無目標，但決定離開的神奇教練軒迪克依然擺出強陣，去仗更輕取布力般2:0。



升班馬侯城由「神奇老虎」慘變「無牙老虎」，聞者心酸見者流淚，暫排17位，只要擊敗派出「C隊」的曼聯，就肯定留得住超聯席位。首循環交鋒，侯城慘敗3:4，也可說是今季的分水巔之役，自去年12月中旬至今，球隊僅在聯賽獲得一勝，慘不忍睹，如今也再沒有輿論提起領隊布朗接掌下任英軍主帥的教鞭。

新鮮出爐的冠軍曼聯，為了留力應付歐聯王者戰，今仗僅得5名一隊主力列入大軍名單之內，當中有里奧費迪南、費查、布朗等，而小將馬捷達、拿尼、韋碧克甚至預備組的中堅占士車士打和門將艾莫斯經已整裝待發，準備正選搏上位。



「喜鵲」紐卡素作為東北部足球重要板圖，去仗爭議地不敵富咸後，就把自己推近英冠聯。「煞科」日造訪阿士東維拉，球隊非勝不可，並要冀望侯城或新特蘭其中一方失分，才有望守得住超過10載的金漆招牌。

雙方近4次相遇，「喜鵲」獲得2勝1和1負，求勝心亦比維拉強，當然可以看高一線，惟要在「生還者」的遊戲中贏出，除了實力，就少不了幸運之神的眷顧。


東北部另一支球會米杜士堡，在最後一役作客韋斯咸，就要盼望奇跡出現，事關球隊必須要贏對手3:0以上，並靠紅魔「C隊」贏侯城2球以上，否則仍然是徒勞無功。對上10場僅1勝的米堡，上一次作客擊敗「槌仔幫」已是9年前的往事情，而相信不少球會已等待完場一刻，向達寧、阿當莊臣、艾方素和端基等人發出聘禮。

西布朗已鐵定降班，冇得救！
米堡要留番低都凍過水架啦，連最好波既達寧(左翼)都受埋傷，真係睇唔到修夫基有乜起死回生既方法，相信米堡應該預左降班，依家只係時間問題啫。
紐卡素今年真係抵打，成隊波踢起嚟仲屎波過希杭(西甲升班馬)。不過，今日只係對車仔，有機會爆冷。車仔今場雖然係希丁克最後一場英超，但喺今年聯賽奪冠失敗同歐聯出局後，其實有D信心不穩既情況。所以，紐卡素憑奧雲、杜夫等「國腳」級球員，應該OK既！
至於候城，今年都係用「高Q大腳」、「長傳急攻」既英國傳統戰術。由於大部分英超球隊既戰術以球員技術同地面組織為主，所以對方防守球員在應付瀕密既高空攻勢時會不習慣，候城既球員季初可以攞到甜頭。不過，人地之後對候城有防備，候城就落到如此下場。今日要對曼聯，話說費 sir同菲臘布朗有交情，加上要對巴塞，所以曼聯曾經講過要出全副選陣容。不過，米堡同紐卡素告到上足總，最後費 sir自動話會出主力。相信曼聯唔敢亂嚟。另外，曼聯D後備球員話就話係後備，其實都係精英，候城根本唔夠打，所以，雖然紐卡素好似好大獲，其實侯城仲大獲。

西布朗已經肯定降班
小弟認為會是米杜士堡和紐卡素降班
米杜士堡以前ｆｉｔ時，作客韋斯咸都全敗收場，何況宜家呢隊狀態差，作客成績勁差的米堡！
維拉雖然踢風流波，但都想主場贏波謝幕；紐卡素作客咁屎，根本連波都唔識入，仲想佢贏波？不如望佢唔好輸波，再求紅魔鬼斬侯城！
現有可能降班的還有新特蘭和侯城
雖然黑貓今晚係對藍戰士，但除非侯城同埋紐卡素一齊贏波先會有機會瓜，相信機會不大
侯城係對紅魔鬼，但侯城個領隊同費蛇咁老友，可能會放分