✔ 最佳答案
唔好令自己後悔呀!既然都就畢業咯,你表白嘅事揚出去都冇價值,啲人都唔會傳架啦!反之,你唔同佢講,就會少咁個機會架啦喎!佢有可能係你未來老公架嘛!世事難料,咩機會都唔好放過。同佢表白咗,衰得去邊?最多係佢話唔中意你啫!既然都打定輸數,到時失敗咗都唔會太傷心。佢有中意人,唔代表你唔可以中意佢架嘛!
你要表白,時機真係好重要。最好就 last day之後,你 / 佢就嚟離開學校嗰陣去搵佢,咁就可以將對你嘅傷害減到最低。佢話佢都中意你就話以後會聯絡啫,如果佢唔係中意你嘅話,你地以後都唔會再見架啦喎!啲唔 frd嘅同學都唔會再相見所以冇必要唱,佢亦都冇時間將件事唱開去,你又冇時間知道你離開咗之後究竟有冇人唱你。呢件事係乾手淨腳!
當然,如果你心底裏都係覺得佢都有一定機會會中意你,而你又非佢唔中意嘅,咁就唔好表白住。唔係嚇親佢,你就唔夠嗰個靚靚同學鬥架啦!離開咗學校之後可以主動搞下re-u,請埋佢去,多啲時間見佢俾佢認識你多啲,見到你吸引嘅一面,之後再睇後事如何,再作決定囉!
而家係天時地利人和都夾俾你表白,冇嘢好擔心嘅!總之點都好,千祈唔好俾自己後悔!
希望我幫到你啦!^ v ^