我隻倉鼠生左丫

A.當然唔好掉左佢,鼠鼠都有生命,掉左佢即係殺左佢,點解要繁殖一大堆鼠出唻殺呢?加上胡亂遺棄動物係犯法既
(資料來自保護遺棄動物協會有限公司 www.saa.org.hk)
根據香港法例421章狂犬症條例第22節規定，「動物畜養人如無合理解釋而棄掉其動物，即屬犯罪，可被判處罰款$10000及監禁6個月」。
(http://www.saa.org.hk/public/contents/article?item_id=2507&revision_id=4085&print=1)

B.唔知你既其他既鼠b幾大,養唔晒既話,其實好多賣鼠既地方都會接收鼠b,連鎖店就未必收,所以可以去就近一D非連鎖店度,問左先,真係收就再送鼠去,但要留意,鼠B如果有毛病,就未必會收
都可以試下問朋友,網友要唔要,真係唔得,先再考慮愛護動物協會,愛協網址:
http://www.spca.org.hk/chi/home.asp

C.鼠鼠繁殖速度真係好快,除左要諗而家咁多隻鼠點算之外,亦需要停止繁殖,唔係既話只會不斷有呢D問題,數目只會愈唻愈多,特別係有血緣關係,唔同性別一齊既話,亂倫好易繁殖出畸胎,最好當然係一籠一鼠,鼠鼠始終都係獨居動物,一齊住易打交or生病,同時又一定唔會因分錯性別而繼續繁殖,鼠b要分男女一般都比較難
同時唔好以為係兄弟or姊妹一齊住就冇事,我細個時都有繁殖鼠鼠,兄弟or姊妹都一樣打得好利害;印象最深刻既係有兩兄弟,佢地一直都相處得好似好好,會一齊訓,會互舔身體,個籠仲好大,有2間屋仔,2個瞭望台,好多野都有兩樣,忽然有一日我只係外出一陣,返唻就見到佢地一隻打到頭都甩,另一隻就肚穿腸兇,可見就算係再大既籠,同性唔同性,係咪同一胎,其實都會打既(早前有條問題講姊妹5個月大忽然打交)
為自己為鼠鼠著想,都希望你可考慮一籠一鼠

2009-05-25 06:07:27 補充：
人又好鼠又好,其實要繁殖都需要先諗清楚結果係點,咁絕對係一件好事
而鼠鼠繁殖速度快,一胎多數2-10隻,甚至有紀錄係26隻,所以知道冇可能養一大堆鼠既時候,最好就唔好繁殖鼠鼠

見到咁多隻鼠可能會好麻煩,到佢地大d都未處理好仲易見到佢地打生打死,但對鼠鼠唻講唔止係煩惱仲係好痛苦既事,日後既去向都唔知會點,記起之前網友既一句話,你既一個決定,就係鼠鼠既一生

2009-05-25 06:08:14 補充：
係澳門人既話我回答中部份內容就唔係咁合適,不過澳門亦有法例防止胡亂遺棄寵物,胡亂遺棄就等於要鼠鼠死亡:
《擁有動物法》禁止任何人士對動物作出騷擾、虐待或暴力行為，尤其是不必要的情況下導致動物死亡、受痛苦或損傷等粗暴行為；同時禁止宰殺犬、貓供食用。觸犯有關法例的人士，可罰款最高一萬元。
(澳門保護遺棄動物協會http://www.aapam.net/ac_0309.htm)

澳門保護遺棄動物協會雖然會接收被遺棄寵物,但睇網頁就好似只收貓狗

俾我親身經驗你參考下。
我對上嗰對鼠鼠一次過生左9隻，我由2隻倉鼠變左13隻，結果…我得一個籠，變到最後5個籠。男、女分籠；打架分籠；無辦法，唔想周圍求人收留佢地，鋪頭﹖又擔心唔知買左俾咩人，諗住佢地ge生命周期，最多都係2年，所以咪養到佢地個個百年歸老，而家一隻倉鼠都無養囉。
除左父母鼠之外，仔女鼠，你盡量睇下分唔分到性別，真係分唔到，就等佢地1個月大度，佢地啲性徵應該好清楚嫁啦！
唔好掉左佢地啦，盡量睇下有無地方可以收留佢地吖，放出街實死嫁！

我只系假設性

以及我系澳門人

並不是香港人

吾會好似香港人咁

唔知點就生左仔
唔識養就塞佢地佢廁所或者膠袋包左佢就算……

最恐怖都係樓主諗住扔左堆鼠仔
唔怪得香港咁多人唔知點就生左仔
唔識養就塞佢地佢廁所或者膠袋包左佢就算……

我十分同意杰的說法。如果你一籠一鼠就可以解決生鼠鼠的問題了。你不介意的話我可以來信給我。我幫你養一隻。你也可以到http://www.hkpet.net/big5/或者http://www.uwants.com/請好心人幫你養鼠鼠。但你要小心鼠販哦!

如果係既~你可以送比人既~
PS:你最好立刻分開佢地唔係又會再生過-口-

送俾 D PET SHOP 囉. 免費嘅佢地肯幫你臭大賣俾人ga.

１.比愛護動物協會收養

２.送比人

３.比人領養

最衰我屋企唔養得，如果唔係我都想幫你領養兩隻^_^

你可以選擇比愛護動物協會收養。