求~~~有關煲粥唔黐底的方法???

你將米洗好後放入鹽(一茶匙)及油(2湯匙)醃2小時(超過都無問題)，花生浸2小時，排骨先出水用粗鹽醃半小時(再用水沖洗)，本人覺得煲菜乾粥最好係排骨，如果你落瘦肉最好煲好後前5分鐘放，如果瘦肉煲得太耐會好un，你將所有材料加水煲，先用大火煲滾，水滾後大開個蓋，煲大約15分鐘，最開中火煲大約15-20分鐘，你覺得滿意，咁就完成，煲粥時唔好成日搞煲粥，搞得多煲粥會變水，如果發現有少少黐底，立刻熄火，蓋個煲蓋，唔好理，再焗煲粥半小時(其實你發現黐底時，煲粥都差不多煲好)，咁你煲粥就食得，其實煲粥煲好後再焗一焗佢，咁煲粥會綿d好食d，如果你煲粥食唔哂，留明天，最好先轉煲來煲，然後開中小火，加鹽水少少地加，咁你煲粥都唔會黐底，如果你用同一個煲煲返熱，咁你一定會黐底。菜乾粥因為有下火功效，加多半塊果皮，咁就好食。

可以去山貨店舖,買一塊竹(撻),是竹制品,六角形.
煲粥時放在煲底防黐底,有些人炆鮑魚都會放下竹(撻),以防黐底.

放湯匙.......................lee 個方法就唔得ga。



黐底................有好多原因ga，如你d 粥太杰，d 骨太多將d 米壓係煲底，d 粥料屬於 lin 性，但你煲既菜乾花生瘦肉粥，如你冇加豬骨，應唔會壓著d米，咁有冇可能你d 米放得太多，d 粥好杰，因你冇講你d 份量，我只有同你分享我係點煲，我通常係用真空煲，放好所有野煲15-25分鐘，就返落個膽度，想食既時候攞出黎再烋至滿意既樣，但最重要既係未再煲時要將d粥攪到底，攪匀至開火，滾起後再間中攪下佢，保証冇黐底，如你係明火煲都係一樣，要攪，如發現有黐底，立即熄火，等一陣， 一定要等，佢黐著個d 會好容易離底，再攪匀，至再開火，就係咁，其實你又唔好以為好煩，開始煲時，d 米未爛係唔會黐ga ，只係當佢開始杰身時至煩 d。