保險公司風險一問

想請問您買保險的目的是什麼? 觀乎你投保的兩煩保險, 是希望得到終身的醫療以及危疾保障, 萬一不幸患上疾病時, 可以不負累到家人, 可以利用自己的保險安然過渡.
在保單持有人來說, 最著重的是保單是否有錢賠. 而富通的理賠償付能力超過指定的300%, 所以, 絕對能為你的保單作出賠付, 以應你一時之急.
反而你相信替你解決及建議計劃的agent朋友是否專業, 是否能切合你的需要提出方案. 相信你也經歷了兩三年的時期才決定買保險, 並不是"是但"買的, 也有經過心思熟慮, 明白遇上問題感到疑惑, 但亦不能隨便因為傳聞而懷疑自己的決定.
保險公司的agent加入與離開, 實在是司空見慣, 他們各有自己的原因與及說法, 任何一間公司都有, 試問那個走了的人會說前公司很好? 因為要justify自己離開的理由吧. 人之常情, 也沒什麼對與不對. 至於一切傳聞、不利消息, 實在無日無之, 在此動蕩時代, 實在人心惶惶. 所以, 保持明澄的心, 實事求是, 才是上策.
況且, 每天都會有不同的朋友因著各種原因而想轉保, 有人轉保是否就代表該公司有問題? 還是勸說別人轉保的有問題? 實在要當事人才知道了.

2009-05-24 12:55:12 補充：
再且, 看到你買的計劃, 可見你的agent不是亂來或是為了賺錢才介紹給你的, 對23歲的朋友來說, 確是兩個適合的好計劃, 能給你在遇到不幸時獲得賠償. 所以, 相信你的agent與及自己的選擇.

富通及非富通代理各有意見,我只想講計劃有幾保障你同啱你先至最重要。如果有你投保資料,我可以陴小小意見你。[email protected]

我同你1樣今年先23歲~我19歲o既時候已經o係盈科保險投保(即係而家o既富通), 9個月前仲入埋去做 agent tim, so far 我都唔覺得公司運作有咩問題, 只不過係減左紅利, 而我亦唔知有邊間公司o係呢個金融海嘯之下仍然派緊優厚紅利? 今日未有負面新聞o既公司並不代表將來會冇問題, 相反今日已經出現了負面新聞o既公司大家都知道對投保人1 D 影響都冇~

你買保險講緊係供一段長時間而保足你 1 世o既投資, o係呢 1秒鐘有agent 可以保證自己公司將來不會發生問題嗎?

我好唔同意D人話富通公司13年已經轉手3次, 唔是好穏健, 試想想, 作為 1個生意人, 你會投資金錢去 1間唔穏健o既公司嗎?

我亦見有人話富通管理層有問題, 你亦可以仔細想一想, 這應該純粹是人的問題吧? 那 1間公司不會出現害群之馬呢?

我入職只係短短9個月, 我都會有D 客人由第 2間公司轉保黎富通, 原因有很多, 包括之前個agent 失蹤 or 買左 1份唔理想o既計劃or 相比之下發覺富通買 同樣o既保障計劃原來保費平好多.......
其實無論咩時候都會有人因為唔同o既理由轉保去第 2間公司. 今日有人o係富通轉去第 2間公司, 今日同樣有人o係第 2間公司轉黎投保富通

我建議你自己諗清楚先做決定, 須知道你去問其他公司AGENT 佢地多數都suggest 你轉~~我亦好睇唔起有人踩低其他公司去抬高自己公司o既手法~我會教D 客考慮實際環境去做決定! 好似我有個客o係AIA 都供左18年, 仲有2 年供埋都唔駛供咯, 仲轉乜鬼ja~轉黎咪等於浪費哂之前供保險o既錢同時間!~

以你o既情況我提議你自己諗清楚係咪真係對富通冇哂信心先? 係就快D 搵返你個agent 叫佢幫你做cooling off, 因為你o岩o岩投保可以o係冷靜期拎返D 保費!

我希望我o既意見可以幫到你啦~~~

在香港登記的所有保險公司屬香港保監會管轄,如任何一間保險公司出事,保監會會協助受保人,在必要時更會動用基金作相關低償.

保單簽署及保險公司確認後,條款不會因公司易手而改變.