有d倉鼠既問題!!

樓上兩位網友部份既方法有d唔同意,希望網友唔好介意:1)用毛巾包住鼠鼠易令鼠鼠更驚,加上鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
2)在鼠鼠驚既時候千萬唔好摸多d鼠鼠,咁會令鼠鼠驚上加驚

鼠鼠買左幾耐呢?鼠鼠唔肯爬上你手你係指主動爬上手定你抱佢佢都唔肯呢?
A.冇野食既情況要鼠鼠主動爬上手就真係要好熟先得,我同我既鼠好熟,佢有時都會掛住食or訓,未必馬上上我手,不過多數等鼠鼠唔係食同訓時叫會好d
如果係指抱上手都有困難既話,就明顯鼠鼠同你未熟,新鼠or受驚既鼠較易有呢個情況,留意返有冇d咩令鼠鼠受驚,例如一籠唔止一隻鼠,太急抱鼠之類

在你同鼠鼠熟之前,同鼠鼠沖涼,可試下以下既方法:(洗籠亦差不多,但記緊一星期沖一次涼,太熱最多沖兩次就可以)
1)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
2)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
3)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
4)沖完涼再將缸口對住籠既門,鼠鼠就會自己行返入去
5)如果係需要檢查身體之類,怕被咬則可用手套抱鼠,唔怕既話直接抱都可以,但必須先叫鼠鼠,俾心理準備俾鼠鼠

B.同鼠鼠培養感情唔洗用太多時間既,每日早起幾分鐘or遲訓幾分鐘已經可以做到,我養咁耐鼠,同鼠鼠熟左都keep住,就算工作忙到冇得訓,都一定抽每天最少15分鐘出唻俾鼠鼠
鼠鼠買返唻既初時,應該頭兩日唔好打擾佢,而家可以俾兩日唔好打擾佢先,再試下以下方法同鼠鼠建立關係:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

你可以拎個杯迫佢埋牆 ~ 佢就會入左個杯到 !
再之後就將個杯[給]轉 (杯口向地下)

同埋換木槺唔好一兩日換一次 !
因為鼠鼠成日唔見左自己陣氣味會好驚 !
最好一個星期換 12次 =] 熱既話換兩次

陪養感情要好耐時間 ;
你用手餵多d佢食野 同埋 摸多d佢個頭同身 !
就會快D同佢熟嫁喇..

你可以試下用食物引佢由個籠既門到爬出去另一個盆到...

如果佢唔比你咁做既話就試下用毛巾包住佢先捉佢出黎啦...

雖然木槺要1-2日換1次比較衛生...

但你如果太強行既話會嚇親佢...

到時可能得不嘗失家...