雷曼苦主 , 有無機會同銀行要番d錢?

對你們的遭遇, 實在是萬二分的同情!
無論如何, 這並不算是輸打嬴要, 如果你走入去投注站買馬, 你輸晒, 你係無話可說。
但是你是走入去間大銀行度, 你買的又唔係槓桿性(高風險)的產品, 你買的只是年息幾個%的產品, 點解會輸晒?
如果嚮街邊小販度買野, 我唔敢要乜野保證, 但我係你大銀行買, 你銀行D產品, 你銀行嚮入面膁咗錢, 絕對要對產品是要負責任的, 就等於我入某大超市買野食, D食物有問題, 有人食咗D野死咗, 你話超級市場駛唔駛要負責任?
你有心理準備, 未必有可能追返全部, 但就好大機會應該可以攞返大部份的。
根據, 如果產品年息是只得幾個%的利息, 如果會輸晒, 咁就係不合情理。
法例有一條是不合情理條款, 即使合約是白紙黑字, 但因為不合情理, 法庭會判該等不合情理的合約無效的, 你們是同銀行訂立合約的, 如果合約被法庭判冇效, 咁銀行就要比番錢你地的 。
而家針對的是銀行有冇責任, 如果銀行嚮過程中是賺咗錢, 銀行就要對事件負責任,
你是相信銀行才入去買的, (因為你唔係同小販買), 銀行的商譽是絕對需要為事件負責任的,
除非銀行好似顧客在開双展戶口時要客戶簽名, 客戶明白該項產品是很高風險, 投資的資金有可能全部冇晒的, 簽咗名, 才可算是認同咗 高 風險, 咁樣, 輸晒就可以話唔駛賠。
努力D, 唔好放棄, 銀行的商譽是應該為事件作出賠償的。

閣下唔係弱勢社群(低學歷、年過65、智商低、傷殘)，金管局及證監根本就唔會幫你立案跟進，除非你有實證如錄音，證明銀行職員當時講大話誤導你買迷債。
現在惟一希望中銀會全面以5~6成回收迷債，平息全民風波快快做生意，否則閣下就要等美國清盤官跟託管人匯豐打完官司後，釐定抵押品主權及結算問題，才能拿回剩餘本金。
詳情可參考：
http://chukwokhung.mysinablog.com/index.php?op=Default&Date=200905


另外閣下說：買過好多迷你債券 , 例如地鐵 , 九鐵 , 長江集團 ,相信其實是不同系列與以上港企業掛鉤的票據，英文叫Note ，並不是真正債券。真正債券的起碼投資額是要10萬美金或1佰萬港元。
https://www.cmu.org.hk/cmupbb_ws/chi/page/wmp0100/wmp010001.aspx

理論上, 無, 因為無人迫你買; 但係現實中, 雷曼債券已經係政治問題, 咁就有可能有; 不過, 你都係唔好求攞番全部, 有得收就要偷笑。
你最好都係跟下大隊搵d議員幫下手, 為左你未來既一票同黨既face, 銀行點都要賠一d, 如果你經中資銀行買, 重好, 阿爺要和諧, 點都唔想有人要生要死, 知無?!
投資一定有風險, 就算存錢入銀行, 銀行执笠, 一樣會有損失, 所以唔好當要番d錢必然同應份, 平常心啦......

現時苦主同銀行拉鋸的要點，就是苦主要銀行一刀切的承認所有銷售是有誤導成份，而銀行就認為要每個案件研究，因為相信有不少如樓主一樣的客戶，不是受誤導，而是自己舂個頭埋去的，宜家就博大霧，輸打贏要的要番全額賠償。
所以你都係適宜跟大隊，話被誤導啦；唔通你要扮清高，話自己黎衰咩？