LX 3景深

首先景深係代表對焦點前後清晰的範圍,淺景深代表範圍短,主體清而背景矇,長景深代表範圍大,主體及背景的清晰程度較接近.
通常輕便DC都係長景深,我相信你係問點可以影到淺景深.
要影淺景深不外乎大光圈,長焦距,短對焦距離及一個夠遠的背景.
LX3實際焦距比較短(其實一般輕便DC都好短),最長只有12.8mm,雖然光圈都夠大,但係都補償唔到焦距短的問題,背景遠近都未必下下控制到,剩翻就係近對焦距離,即係影微距,所以你見到的淺景深照片應該都係限於呢一類作品,不過限制就係只可以影細件物件,如果影人就唔掂,因為冇理由只影隻眼或者影個鼻呱.
結論係你可以用光圈先決模式,zoom到遠,用f2.8光圈,搵啲細物件,對焦有咁近得咁近,唔好由上而下咁影,因為如果背景係枱面的話唔夠遠,只要水平咁影埋去,即使背景只有兩三呎,效果都會好明顯下.
以下網頁有LX3規格及測試
http://www.dpreview.com/reviews/panasonicdmclx3/

just use F2.0 光圈及最長焦距....此機60mm,另主体與背景距離越遠效果越強...try ha la.....快門Auto OK...